Alba Bajrami është shpallur si më e bukura në Shqipëri për vitin 2018. Fituesja është kurorëzuar si princesha e bukurisë shqiptare në një mbrëmje gala që përkon edhe me 20-vjetorin kur ky konkurs çeli siparin për t’u bërë ndër eventet më të pëlqyera e të mirëpritura për publikun shqiptar.
Alba Bajrami fituesja e këtij konkursi bukurie është 16 vjeç dhe studion në shkollën e mesme 'Wilson'. Ajo e ka konsideruar pjesëmarrjen e saj në Miss Shqipëria 2018 si një eksperiencë e re për të . I pëlqen make-up profesional. Në të ardhmen kërkon të vijojë studimet për arkitekturë. Ajo thotë se është kreative dhe i pëlqen të pikturojë e të realizojë punime në qeramikë.
Të shumta kanë qenë bukuroshet që kanë marrë pjesë në këtë konkurs, ku fituese e këtij kompeticioni u shpall Alba Bajrami, shoqëruesja e parë e Missit Klea Krali, ndërsa shoqëruesja e dytë, Klea Ndreka. Alba Bajrami është 16 vjeç dhe studion në shkollën e mesme 'Wilson'.
Nën tingujt e muzikës, por edhe performancës së bukurosheve, eventi i zhvilluar mbrëmjen e djeshme të Pedonalja e Tiranës, ka dhuruar për të pranishmit momente mjaft të veçanta.
Nën drejtimin e moderatores Jonida Shehu, në aktivitet kanë marrë pjesë edhe këngëtarë të njohur si Redon Makashi, Rovena Dilo e Eranda Libohova.
Mbremja Gala 20 vjet Miss Shqiperia u zhvillua në një Talk Shou, të ndërtuar me panele të ftuarish bashkëpunetorë e fituese të kurorës ndër vite.
Gjatë mbrëmjes u sollën në vëmendje emrat e bukurosheve që kanë fituar këtë kurorë, duke e nisur me Aldona Elezin në vitin 1998 dhe duke vijuar me bukuroshet e tjera që kanë rrëmbyer kurorën e Miss Shqipërisë.
“Miss Shqipëria” nisi si një produksion tërësisht privat në 1997 e u kurorëzua me spektaklin final në 9 mars të vitit 1998.
