Shpejtësi e lartë, parakalime të gabuara e shkelje të rregullave rrugore, në 4 orë, 412 gjoba për shoferët

Vetëm në 4 orë policia ka vendosur 412 gjoba për mosrespektim të qarkullimit rrugor gjatë monitorimit të akseve kryesore të vendit.

Të gjitha akset rrugore nacionale në vend janë duke monitoruar shpejtësinë 6 radarë, nga ku janë vendosur dhe 412 masa administrative që lidhen me parakalime të gabuara, mosmbajtje të rripit të sigurimit, përdorimin e celularit gjatë drejtimit të mjetit etj.

Konkretisht në akset Lezhë-Thumanë, Vlorë-Fier, Durrës-Tiranë dhe Lezhë-Morinë, janë evidentuar 34 drejtues mjetesh që qarkullonin me shpejtësi tej normave të lejuara, të cilëve iu është pezulluar leja e drejtimit.

I janë vendosur gjoba 154 drejtues mjetesh që kanë kryer parakalime të gabuara dhe manovra të rrezikshme në rrugë si dhe janë ndaluar 31 drejtues mjetesh dhe motomjetesh, pikërisht për kryerjen e këtyre manovrave të rrezikshme dhe përdorimin e alkoolit, ku nga testet kanë rezultuar se 24 shoferë kishin nivel më të lartë alkooli se sa lejohej.

Gjithashtu janë vendosur 99 masa për përdorim të celularit, 78 masa për mospërdorim të rripit të sigurimit dhe 16 masa për mosvendosje të kaskës mbrojtëse.

Ndërsa një personi i është bllokuar mjeti, pasi qarkullonte pa kontroll teknik dhe kishte 26 gjoba pa paguar.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bepi: 09/08/2020 21:15

    80000 gjoba

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un