Ai Thotë se vëllai i "Kamishit" është drejtor i vendgrumbullimit të mbeturinave në Mirash, ndërsa dhëndri i Kamishit, udhëheqës në Bordin e Ujësjellësit Rajonal "Prishtina" e kështu me radhë.
“Ky i pari, e mbyll vendgrumbullimin e mbeturinave kur t'i teket, për "Pastrimin" duke rrezikuar kështu shëndetin publik. E "Pastrimi" i menaxhuar nga Komuna në 14 vitet e fundit ka akumuluar borxhe marramendëse. Nepotizmi e familjarizmi në Komuna e nivel qendror përveç që janë padrejtësi, shkaktojnë edhe efekte të tmerrshme për jetën e njerëzve siç janë uji e mbeturinat”, shkruan Ahmeti në rrjetin social Facebook.
Madje Ahmeti në formë pyetjeje ka shkruar se a janë familja e punësuar e Kamishit dhe të ngjashmëve "Kosova Evropiane" dhe "Misioni i ri" për të cilat flet Thaçi?
Por ai ka përmendur edhe Isa Mustafën, pyet se a janë nepotizmi, familjarizmi dhe korrupsioni në komunë "Rikthimi" për të cilin flet Mustafa?
“Pasojat e këtyre dukurive negative do të duhen vite punë për t'i zbutur. Jemi të gatshëm ta bëjmë atë përpjekje. Nuk duhet të ndalemi deri në bërjen e qytetit e shtetit. Kosova ka Alternativë!”, shkruan ai./KosovaPress/
Redaksia Online
(Gre.M/Shqiptarja.com)
![](https://www.shqiptarja.com/template/img/sh_logo1.png)