TIRANË- Një bombol gazi shpërtheu në një piceri, aktualisht jo funksionale dhe në përgatitje për tu hapur së shpejti. Ngjarja u shënua në një kompleks pallatesh te ish Parku i Autobusëve në Tiranë, rreth orës 11:20

Si pasojë e shpërthimit, u dëmtuan pronari 40 vjeçar i picerisë së re, dhe punonjësi i tij 28 vjeç, të cilët po marrin ndihmë mjekësore pranë Repartit të Djegie Plastikës në QSUT. Bluzat e bardha thonë për Report Tv se djegiet vlerësohen të shkallës së lehtë, jo problematike

Bombolat e gazit kanë qenë të instaluara në katin -1, dhe të lidhura me katin sipër përmes tubave. Pronari dhe punonjësi kur kanë hyrë brenda nuk e kanë ndjerë aromën e gazit që ka rrjedhur dhe kanë nisur punën. Në një moment gjithçka shpërtheu nga një shkëndijë, ngjarje për të cilën policia ka nisur një hetim për të gjetur shkakun.

“Rreth orës 11:20, në Rrugën e Kavajës, te kompleksi “Delijorgji”, në një ambient aktualisht jofunksional, dyshohet se ka shpërthyer një bombol gazi.     

Si pasojë janë dëmtuar pronari i ambientit, shtetasi B. D., rreth 40 vjeç, dhe punonjësi i tij, shtetasi K. B., rreth 28 vjeç, të cilët po marrin ndihmë mjekësore në spital”, njoftoi sot policia.

Siç shihet edhe nga pamjet e sigurara nga Report Tv shpërthimi ka qenë tejet i fuqishëm, duke dëmtuar të gjithë fasadën e jashtme të subjektit. Ndërkohë edhe një pjesë e fasadës së një biznesi aty pranë është dëmtuar gjithashtu.

 
Xh.K/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera