POP 5

Lajmet më të lexuara të 5 minutave të fundit

Kronikë

Shpërthen granata e groposur në Maliq, plagoset fermeri duke punuar tokën, dëshmitarët: Ishte bërë për ibret, i kishte ikur gjuha

Një ngjarje e rëndë është regjistruar pasditen e kësaj të dielë në fshatin Caushli të Maliqit,sipas informacioneve paraprake nga policia bëhet e ditur se një fermer është plagosur gjatë punës që po kryente në tokën e tij

MALIQ- Një ngjarje e rëndë është regjistruar pasditen e kësaj të diele në fshatin Caushli të Maliqit. Sipas informacioneve paraprake nga policia bëhet e ditur se një fermer është plagosur gjatë punës që po kryente në tokën e tij.

Fermeri ka qenë duke punuar tokën me një mjet bujqësor tip frezë, ka rënë në kontakt me një mjet shpërthyes që dyshohet granatë e vjetër. 39-vjeçari i plagosur Hergert Spahiu, është transportuar drejt spitalit dhe ka marrë dëmtime në dorë dhe ndodhet nën kujdesin e mjekëve. 

Për mikrofonin e Report Tv, dëshmitarët që i dhanë ndihmën e parë tregojnë se shpërthimi ishte shumë i fortë dhe se i riu u transportua në spital në gjendje të rëndë.  Sipas rrëfimeve të banorëve, kjo nuk është hera e parë që në këtë zonë ka shpërthyer një granatë e cila ka qenë e groposur.

Rendit zhvillimet sipas orarit:
Ora 18:58
Fermerit i shpërthen granata, dëshmitarët: Ishte bërë për ibret, i kishte ikur gjuha! Po punonte tokën me gruan

 

Dëshmitarët nga vendi i ngjarjes tregojnë se shpërthimi i granatës, ku mbeti i plagosur Hergert Spahiu, ishte shumë i fuqishëm. Gjendja e të riut, kanë treguar ata ishte shumë e rëndë, teksa i dhanë ndihmën e parë me aq sa mundej.

"Ai plugonte ai, ne po mblidhnin arat, ai po punonte me frezë dhe pastaj plasi. Kur e pamë ne shkuam e ndihmuam, shpërthimi ishte i fuqishëm, ishte dëmtuar në dorë, nga këmbët ishte bërë gjak, ishte bërë shumë keq. E ndihmuam dhe e çuam deri te makina", tha një dëshmitar.

"Ne punonim me atë matanë, me këtë djalin, kur dëgjuam shpërthimin, ishte i fuqishëm shumë, po punonte bashkë me të shoqen, por vinte me të shoqen, ishte bërë për ibret, i kishte rënë si gjendje të fikti, i kishte ikur gjuha brenda, ka shpërthyer më parë në këtë vend", tha një tjetër.

B.K./Shqiptarja.com

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43