‘Shpërthen’ sajti i Romës, interesim i lartë që tifozët të ndjekin finalen në Tiranë! Problem edhe biletat e avionit

Interesimi i tifozëve të Romës për të parë finalen e Conference League në Tiranë është shumë i madh. Vetëm 10 minuta pasi janë hapur aplikimet për biletë nga klubi italian kanë qenë 9 mijë kërkesa, trefishi i numri që skuadra italiane ka në dispozicion.

Roma ka menduar të shpërndajë 3 mijë bileta për sektorin e tifozëve të saj kur dihet se në total ka 4 mijë, por 1 mijë të tjera mund të jenë ftesa të vetë klubit, shkruan ‘Gazzetta dello Sport’. Sakaq të drejtë për të marrë pjesë në shorteun e biletave kanë 21 mijë tifozë, ndërsa 13.933 janë abonentë sezonale të klubit që kanë shprehur dëshirën për të qenë në Tiranë.

Ky burim saktëson për tifozët e Romës që më shumë mundësi kanë për të aplikuar në faqen e UEFA-s sesa te e klubit. Si Roma dhe Feynord kanë nga 4 mijë bileta në dispozicion secili, ndërsa 8 mijë të tjera administrohen nga UEFA. Air Albania ka një kapacitet prej 20 vendesh në këtë ndeshje, ndërsa 4 mijë biletat e rezervuara të UEFA-s janë për sponsorit apo të ftuar të veçantë.

Media të tjera në Itali shkruajnë se problem jan edhe biletat e avionit, pasi mund të shkojnë deri në 400 euro. Nuk përjashtohen as mundësia që tifozët të marrin rrugët me makinë.

Ne.k./Shqiptarja.com

TAG:
• conference league ne tirane
• roma
• conference league
• Tirane
• Air Albania