Shpërthim i fuqishëm në Ankara
28 të vdekur dhe 61 të plagosur
FOTO/Kaosi e flakët pas shpërthimit

 TURQI-  Të paktën 28 persona humën jetën dhe 61 të tjerë mbetën të plagosur nga një shpërthim i fuqishëm që tronditi zemrën e kryeqytetit turk, Ankaranë, pasditen e kësaj të mërkure.

Mediat turke raportojnë se shpërthimi ka ndodhur në një autokolonë ushtarake rreth 300 metra larg forcave të komandës ajrore në afërsi të parlamentit turk, gjatë kalimit të mjeteve të shërbimit ushtarak në rrugën Merasim e cila lidh bulevardin İnönü me rrugën Dikmen, raporton Anadolu Agency.

Po sipas kësaj agjencie e cila citon prefektin Mehmet Kiliclar, shpërthimi goditi 3 automjete ushtarake dhe një private në Ankaranë Qendrore, afër ndërtesë së parlamentit.
 
Sipas autoriteteve turke shpërthimi ka ndodhur nga një bomb, duke mos përjashtuar pistën e një sulmi terrorist. Në vendin e shpërthimit mbërritën 20 autoambulanca të cilat kanë transportuar të plagosurit në spitale. Ndërsa viktimat thuhet se janë oficerë të ushtrisë.

Kryeministri turk Davitoglu ka anuluar vizitën në Bruksel të programuar për të enjten. Ai është shprehur se po hetohet mbi shpërthimin por pa dhënë hipoteza mbi shkaqet e sulmit. Ndërsa zëvendëskryeministri, Bekir Bozdag e quajti ngjarjen një “akt terrorist”. 

Presidenti Recep Tayipp Erdogan tha se Turqia  është më e vendosur se kurrë pë të përdorur "të drejtat e saj për vetëmbrojtje". Në një deklaratë disa orë pas shpërthimit ai u shpreh: "Vendosmëria jonë pë t'iu përgjigjur sulmeve të kësaj natyre brenda dhe jashtë kufinjve tonë po bëhet më e fortë".
 

 

VIDEO: #Ankara #Kızılay'da Askeri Servis Aracına bombalı saldırı düzenlendi !
Olay yerinde çok sayıda yaralı var ! pic.twitter.com/fbzhc26J9Y

— ✦ T.☪ BAHA T.☪ ✦ (@ELTURC_O) February 17, 2016

(Video)




(Godina në flakë, ku pranë së cilës ndodhi shpërthimi)


(Tymi mbi Ankara)




 
 
Turqia është goditur nga një seri sulmesh terroriste, ku më i fundit është ai i muajit të kaluar ku një kamikaz hodhi veten në erë  në Stamboll, duke vrarë 10 persona.
 
Redaksia online
(u.s/shqiptarja.com)