Report Tv sjell pamje nga shpërthimi me tritol i apartamentit mbrëmë në Fier, banorët: Ishte i fuqishëm! Pronari jeton jashtë prej vitesh, nuk ka pasur konflikte (VIDEO)

FIER- Shpërthimi me tritol që u regjistrua mbrëmjen e djeshme në një apartament në Fier ka lënë pas dëme të konsiderueshme materiale. Report Tv ka siguruar pas shpërthimit ku duket se lënda plasëse ishte vendosur në derën e apartamentit duke e dëmtuar atë. Shpërthimi, siç e përshkruajnë banorët e zonës ishte i madh, saqë ata kanë dalë nëpër shkallët e pallatit për të parë se çfarë ndodhi, por duke theksuar se nuk panë asnjë të dyshuar rreth e rrotull.

Teksa tregojnë ngjarjen, fqinjët thonë për Report Tv, se pronari i apartamentit Asqeri Hyskaj jeton prej vitesh në Itali dhe sipas tyre nuk ka pasur konflikte me njeri.

“Rreth orës 8 pa 20 dëgjuam një shpërthim të madh, dolëm të tronditur, pamë pastaj që tek dera e katit të katërt kishin vënë tritol. Si njeri nuk ka probleme asnjëherë, ka 25 vite që jeton në Itali, nuk banon njeri. Sigurisht që u trembëm, atje u shqyen dyert, është bërë dëm i madh në hyrje, është çarë soleta. Ajo ndodhi natën, nuk mund të shikoje, kohë e keqe ishte. Policia ishte mori informacionet e saj. Për mua është sinjal për dikë.

Shpërthimin e dëgjova se nuk ishte i vogël. Dola nga penxherja, pashë pa e hapur, asgjë nuk kishte”, thonë fqinjët.

Shpërthimi ndodhi mbrëmë rreth orës 21:40 ku lënda plasëse ishte vendosur në afërsi të derës së jashtme. Nuk dihen ende motivet e kësaj ngjarjeje por dyshohet se mund të jetë një paralajmërim për pronarin e shtëpisë. Policia po punonpër zbardhjen e ngjarjes por ende nuk ka asnjë person të dyshuar. 

 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

1,017 të infektuar dhe 2 viktima në 24 orët e fundit! 16 pacientë në gjendje të rëndë në spitale! 20,928 pacientë aktivë me COVID