Shqipëri - Austri, marrëveshje
bashkëpunimi për turizmin

Ministria e Zhvillimit Ekonomik, Turizmit, Tregtisë dhe Sipërmarrjes ka nënshkruar një marrëveshje me Ministrinë e Punëve të Jashtme te Austrise në fushën e turizmit.

Kjo marrëveshje është nënshkruar mes Arben Ahmetajt dhe Kurz, marrëveshje që nënvizon angazhimin reciprok të dy vendeve për këtë sektor, konkretisht: Shkëmbimin e informacioneve reciproke të lidhura me turizmin si statistika, akte ligjore, procedura dhe rregullore, apo ekspertizë Shkëmbimin e dijes dhe njohurive mbi edukimin dhe trajnimin në turizëm; Shkëmbimin e ekspertizës në zhvillimin e skemave të financimit në turizëm; Inkurajimin e investimeve dhe bashkëpunimit ekonomik në turizëm; Mundësitë për bashkëpunim midis operatorëve turistikë të dy vendeve dhe Organizimin e takimeve bilaterale të ekspertëve të fushës së turizmit për tema specifike si turizmi kulturor, turizmi dimëror, turizmi kulinar etj.



Austria përfaqëson një partner shumë të rëndësishëm për Shqipërinë në aspektin politik dhe ekonomik. Në muajin gusht në Vjenë u zhvillua Samiti i vendeve të Ballkanit Perëndimor në kuader të Procesit të Berlinit, ku qeveria  Austriake dha mbështetjen e saj për Shqipërinë dhe vecanërisht për projektet e konektivitetit.



Ministria e Zhvillimit Ekonomik dhe qeveria shqiptare kanë pasur një bashkëpunim të vazhdueshëm edhe me Forumin Ekonomik të Vjenës, me të cilin u organizua për herë të parë ne Tiranë Forumi Ndër-rajonal “Tirana Talks” në maj 2015, forum i cili mblodhi duke për herë të parë në Shqipëri Kryeministrat e 6 vendeve të Ballkanit Perëndimor.



Sa i takon marrëdhënieve ekonomike e tregtare, në vitin 2014, volumi tregtar mes dy vendeve shënoi një rritje me 12.5%, ku eksportet u rritën me 56% dhe importet me 3.6% krahasuar me vitin 2013. Investimet e huaja direkte nga Austria ne vitin 2014 perbenin 8% të totalit të FDI ne vend, duke e renditur Austrine ne vendin e 6-te per investimet direkte ne Shqiperi.  



Numërohen rreth 48 biznese asutriake dhe me kapital të përbashkët që ushtrojnë aktivitetin në tregun shqiptar ndërsa viti 2015 shënoi një rritje të konsiderueshme të numrit të turistëve nga Austria. Në janar 2016 Shqipëria pati një performancë shumë  të mirë në Panairin Ndërkombëtar të Turizmit Ferien Messe ne Vjenë, ku u zhvilluan një sërë aktivitetesh promovuese të turizmit shqiptar.


Redaksia Online
(F.T/shqiptarja.com)