POP 5

Lajmet më të lexuara të 5 minutave të fundit

Kronikë

Shqipëria në super operacionin e Europol
500 të arrestuar, 2.8 ton kokainë e bllokua

Tirana dhe disa vende të tjera të Ballkanit kanë marrë pjesë në një operacion ndërkombëtar kundër krimit të organizuar që ka sjellë arrestimin e 500 të dyshuarve, pjesë të një rrjeti global kriminal.
 
Tirana dhe disa vende të tjera të Ballkanit kanë marrë pjesë në një operacion ndërkombëtar kundër krimit të organizuar që ka sjellë arrestimin e 500 të dyshuarve, pjesë të një rrjeti global kriminal.
 
Operacioni policor i cili u zhvillua ndërmjet 4 majit dhe 24 qershorit, përfshiu oficer police nga 28 vendet e Bashkimit Europian, si dhe vende partnere si Shqipëria, Maqedonia, Mal i Zi, Turqia, Kolumbia dhe të tjerë.
 
“Edhe një herë tjetër ne mund të themi që bashkëpunimi i suksesshëm ndërkombëtar mund të ketë një impakt mbi krimin e organizuar,” tha nëpërmjet një njoftimi për shtyp Rob Wainwright, drejtor i Europol.
 
“Rrjedhoja e këtij operacioni, me më shumë se 500 të arrestuar, është një paralajmërim për kriminelët që ato nuk janë të sigurtë në asnjë vend,” shtoi ai.
 
Operacioni u shtri në 260 qytete në të gjithë botën, ku oficerët e Europol përdorën zyra lëvizëse, të cilat i dhanë akses të drejtpërdrejtë në bazën e sigurtë të të dhënave të agjencisë.
 
Gjatë operacionit u bllokuan 2.8 ton kokainë, 110 kilogramë heroinë, 390 makina dhe mbi 1300 ton metale të vjedhura.
 
Sipas Europol, sasitë e mëdha të drogës transportoheshin nëpërmjet kontenierëve ndërkohë që për sasitë më të vogla përdorej posta dhe korrierët.
 
U zbuluar që korrierët e drogës fluturonin nga Amerika Jugore në Europë me kokainë, dhe pako heroine dërgoheshin çdo ditë nga Afganistani dhe Pakistani për në Europën Perëndimore.
 
Fshehja e kokainës bëhej në mënyra të ndryshme, nga rrobat te këpucët por edhe në instrumente mjekësore.
 
“Gjatë operacionit, falë bashkëpunimit me vendet e Ballkanit Perëndimor, disa trafikantë u arrestuan të cilët mundësonin kalimin e emigrantëve të paligjshëm në Europë,” tha Europol.
 
“Një bazë për emigrantët e paligjshëm u zbuluar gjithashtu në Hungari,” agjencia shtoi.
 
Ky aksion i fundit ndërkombëtarë kundër krimit të organizuar ndjek në hapat e operacionit Arkimedi në 2014, kur u sekuestruan 2.9 ton kokainë dhe u arrestuan më shumë se 1000 të dyshuar.

 
BIRN
 
Redaksia Online
( Gre.M/Shqiptarja.com )

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Edison Ypi: Lutje të ftuarit në studio

Edison Ypi: Lutje të ftuarit në studio

15 Janar, 10:17 nga Edison Ypi