Testin e fundit përpara fillimit të Kampionatit Europian të Francës, Shqipëria do ta zhvillojë përballë Ukrainës në 3 qershor në stadiumin e Bergamos “Atleti Azzurri d'Italia” në ora 20:30.

Federata Shqiptare e Futbollit ka arritur marrëveshjen me homologët ukrainas për të zhvilluar një miqësore midis dy kombëtarëve në kuadër të përgatitjeve për finalet e Evropianit “Francë 2016”.

Sfida me ukrainasit do të shërbejë për përgatitjen e formacionit final të trajnerit De Biasi për ndeshjen e parë në Europian.

Kujtojmë që Shqipëria në Mars zhvilloi dy ndeshje miqësore, teksa humbi përballë Austrisë dhe fitoi në Luksemburg. 



d.b/shqiptarja.com