POP 5

Lajmet më të lexuara të 5 minutave të fundit

Arkiva

Shqipëria, ambasadë të përbashkët në Belgjikë dhe pranë BE

TIRANË- Këshilli i Ministrave vendosi sot bashkimin e funksioneve të kreut të Ambasadës së Republikës së Shqipërisë në Mbretërinë e Belgjikës dhe të Misionit të Përhershëm të Republikës së Shqipërisë pranë Bashkimit Evropian.
Më poshtë vendimi i plotë i Këshillit të Ministrave:
VENDIM PËR RIORGANIZIMIN E AMBASADËS SË REPUBLIKËS SË SHQIPËRISË NË MBRETËRINË E BELGJIKËS DHE TË MISIONIT TË PËRHERSHËM TË REPUBLIKËS SË SHQIPËRISË PRANË BASHKIMIT EVROPIAN
Në mbështetje të nenit 100 të Kushtetutës dhe të neneve 16 e 23, të ligjit nr.9095, datë 3.7.2003, "Për Shërbimin e Jashtëm të Republikës së Shqipërisë", me propozimin e ministrit të Punëve të Jashtme, Këshilli i Ministrave
V E N D O S I:
1. Riorganizimin e Ambasadës së Republikës së Shqipërisë në Mbretërinë e Belgjikës dhe të Misionit të Përhershëm të Republikës së Shqipërisë pranë Bashkimit Evropian.
2. Bashkimin e funksioneve të kreut të Ambasadës së Republikës së Shqipërisë në Mbretërinë e Belgjikës dhe të Misionit të Përhershëm të Republikës së Shqipërisë pranë Bashkimit Evropian.
3. Emërtimi i Misionit Diplomatik të Republikës së Shqipërisë në Bruksel, Mbretëria e Belgjikës, të jetë: "Ambasada e Republikës së Shqipërisë në Mbretërinë e Belgjikës dhe Misioni i Republikës së Shqipërisë pranë Bashkimit Evropian".
4. Vendimi nr.142, datë 3.3.2010, i Këshillit të Ministrave, "Për hapjen e përfaqësisë diplomatike të Republikës së Shqipërisë në Bruksel, Mbretëria e Belgjikës", shfuqizohet.
5. Ngarkohet Ministria e Punëve të Jashtme për zbatimin e këtij vendimi.
Ky vendim hyn në fuqi pas botimit në "Fletoren zyrtare". /ATSH/

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Bizneset ‘me lupë’ për punëtorë, kreu i shoqatës së Fasonerisë në Report TV: Shkak emigrimi, dhe pagat! Presim punëtorë nga Filipinet

24 Mars, 12:47