POP 5

Lajmet më të lexuara të 5 minutave të fundit

Politikë

'Shqipëria bëhet', prezantohet lëvizja e re politike! Adriatik Lapajt: Pikat kryesore, nga reforma zgjedhore tek ligji për referendumet

Një lëvizje e re politike i është bashkuar partive në vend. Aktivisti Adriatik Lapaj ka prezantuar pasditen e kësaj të hënë lëvizjen e tij të lajmëruar prej kohësh, e cila zyrtarisht do të quhet “Shqipëria Bëhet”.

Lëvizja politike e kryesuar nga Adriatik Lapaj ‘Shqipëria Bëhet’, është prezantuar pasditen e kësaj të hënë.  

Lapaj tha se "Shqipëria bëhet’ e shoh urgjente nevojën për vendosjen e demokracisë reale, pluralizmit real dhe shtetit të së drejtës". Gjatë prezantimit ai është shprehur se nisja e këtij rrugëtimi ishte vendimi më i vështirë që ka marrë ndonjëherë.

“Ky është vendimi më i vështirë që më është dashur të marr ndonjëherë. Mund të isha ulur në kolltukë si ata të tjerët, por besoj se meritojmë një të ardhme tjetër. Deri sot pesha e përgjegjësisë ishte mbi mua, por nga sot ne jemi ne”, u shpreh ai.

Në zyrat që ndodhen në rrugën “Jeronim De Rada”, aktivisti Lapaj ka prezantuar ekipin, programin dhe kauzat për të cilat lëvizja do të angazhohet. Partia e Lapajt ka shpalosur tre pikat kryesore të planit të saj, duke nisur me votën e emigrantëve, depolitizimin e administratës dhe miratimin e ligjit për referendumet.

Në festën e mbajtur për shpalljen e forcës së re politike ishin mjaft të rinj, 

Pikat kryesore të nismës 

Në kushtet në të cilat vendi ynë ndodhet, lidhur kjo me situatat e bartura politike, të cilat nuk i kanë sjellë Shqipërisë asnjëherë demokracinë e merituar dhe garën e vërtete, ne shohim si të domosdoshme:

a)-Nevojën urgjente të angazhohemi për hapjen e një debati kombëtar për vendosjen e demokracisë reale, pluralizmit real dhe shtetit të së drejtës.

b) -Inicimin e një bashkimi mbarëkombëtar përtej ndarjeve ideologjike për të imponuar themelet e demokracisë reale.

c)-Nevojën  për një lëvizje intelektuale dhe të unifikuar mbarëkombëtare për të diskutuar dhe konkluduar për imponimin e një reforme totale kombëtare të fokusuar në:

1. Reformimi i sistemit zgjedhor në Shqipëri duke hapur konkurrencën nëpërmjet hapjes së listave, kufizimit të mandateve qeverisëse dhe përfaqësuese;

2. Miratimi i ligjit “Për referendumet” në Republikën e Shqipërisë;

3. Miratimi i votës së emigrantëve duke përcaktuar modalitetet e përfaqësimit të tyre.

4. Depolitizimi i administratës zgjedhore në të gjitha nivelet duke e hequr atë nga politika dhe duke e kaluar në profesione të lira (avokat, noter, profesionistë të licencuar, si dhe përfaqësues të sistemit të drejtësisë si gjyqtarë dhe prokurorë);

Të pranishëm në çeljen e forcës më të re politike kanë qenë dhjetëra qytetarë, por edhe figura publike.

Rendit zhvillimet sipas orarit:
Ora 19:19
Lapaj prezanton lëvizjen e re politike: Vendimi më i vështirë që kam marrë ndonjëherë

Aktivisti Adriatik Lapaj gjatë prezantimit të lëvizjes së tij politike “Shqipëria Bëhet”, është shprehur se nisja e këtij rrugëtimi ishte vendimi më i vështirë që ka marrë ndonjëherë.

“Ky është vendimi më i vështirë që më është dashur të marr ndonjëherë. Mund të isha ulur në kolltukë si ata të tjerët, por besoj se meritojmë një të ardhme tjetër. Deri sot pesha e përgjegjësisë ishte mbi mua, por nga sot ne jemi ne”, u shpreh ai.

“Sot do ju flas si mund ta ndryshojmë dhe ta bëjmë një vend normal Shqipërinë. Unë besoj te cilësia e individit, por që ky i fundit të performojë duhet të garantohet shpërfaqja e tij në shoqëri. Për të siguruar rregullat na duhet shoqëria. Na duhet të shkëpusim shoqërinë nga koncepti i mikut, partisë, për të zgjidhur punën tonëetj. POunët dhe hallet duhet ti zgjidhë ligji. Të drejtën e studimit duhet ta japë ligji, pronanë duhet ta mbrojë ligji. Vendin e punës duhet të fitosh në bazë të ligjit. Kujdesin shëndetësor duhet ta kesh në bazë të ligjit. Rimbursimet në bujqësi peshkim dhe blegtori duhet të ti sigurojë ligji.

Ne si shoqëri duhet të shembim sistemin e kapjes së ekonomisë së shtetit nga pak duar. Duhet të çlirojmë ekonominë nga një kuadër ligjor që u shërben pak njerëzve. Kujtoj këtu ligjin për koncesionet, ligjin për PPP. Duhet të rishpërndajmë pasurinë e vendit përmes një kuadri të ri ligjor. Për të arritur këtu, duhet të shkojmë aty ku ka burimin problemi. Për të arritur këto duhet t ëhskojmë aty ku buron i gjithë problemi. Duhet të hapim garën politike. Nëse nuk hapim garën në politike, s’mund të ketë garë në asnjë fushë të tjetës të shpqërisë tonë. Populli sot është dekor i një republike që komandohet nga kolltukët e Tiranës. Duhet të miratojmë ligjin për referendumet dhe të sjellim demokracinë e drejtpërdrejtë. Nuk ka rrugë tjetër përveç bashkimit”, shtoi ai.

B.K/Shqiptarja.com

B.K/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • poli: 19/09/2023 04:44

    bravo llapaj,,mblidh rinine pas teje,,,vota ime eshte pwr ty...me sali.kriminelin dhe hajdut,,.ilir pis-hajdutin dhe edi incceneratorin na u nxi jeta..

    Përgjigju
  • Iris: 19/09/2023 03:34

    Sa parti kemi deri tani se bashku me kete te fundit?? Sa jane c'regjistruar perfundimisht nga ekzistenca?

    Përgjigju
  • llapajmania: 18/09/2023 19:51

    edhy ky cun sorosi,,, pas 10 vitesh,,, fotokopje mjaft,,, do jete ne nje qeveri,,, ose kryetar tironeeeee,,,,

    Përgjigju
  • Adrian: 18/09/2023 19:29

    Ja dhe nje mashtrues i ri ne skene.Edhe ky,nga sot,behet pjese e politikes arnautase.

    Përgjigju
  • Beni: 18/09/2023 19:17

    Nese ky djale do te bej ato qe ka thene ne emisione duhet patjeter qe ta mbeshtetim dhe te ikin keta qelbesirat qe kane 30 vjet duke e shkaterruar vendin dhe popullin

    Përgjigju
    • Kçk: 19/09/2023 01:59

      Kështu tha dhe Rama. Kështu flasin të gjithë. Ky do ndjekës vullnetarë

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako