POP 5

Lajmet më të lexuara të 5 minutave të fundit

Politikë

Shqipëria hap dyert për refugjatët
Rama: Mbajtëm kosovarët në '99

Shqipëria është e gatshme të presë refugjatët që i ikin luftës nga vende si Siria. Kryeministri Edi Rama në një intervistë për “Corriere Della Sera” deklaroi se Europa mund t’ia dalë të zgjidhë krizën e refugjatëve, për sa kohë Shqipëria e vetme ia doli të presë 500 mijë persona gjatë luftës së Kosovës.  VIDEO

 
ITALI - Kreu i qeverisë shqiptare Edi Rama i ka lëshuar një apel Evropës: Nuk duhet të ngrihen “muret e turpit” për refugjatët, veçanërisht ata sirianë me të cilët Evropa po përballet. Në një intervistë për “Corriere della Sera”, kryeministri Rama tha se nëse vendi ynë do të përballej me një sfidë të tillë, do t’i mirëpresë emigrantët të cilët “trokasin” në dyert e vendeve të Evropës për një jetë më të mirë ekonomike apo për t’iu arratisur luftës në Siri.

Edhe pse nuk e dha deklaratën në mënyrë kaq të drejtëpërdrejtë, Rama risolli në vëmendje vitin 1999, kohë kur Shqipëria e vogël mirëpriti rreth gjysmë milioni qytetarë të Kosovës. Në këtë kontest, Rama tha se e sheh më habi faktin që Evropa mund të mos ja dalë dot!

“Mungesa e një politike të qartë në Siri dhe në vendet arabe na ka çuar në një gjendje shumë të rëndë. Shqipëria është një vend shumë i vogël, edhe pse në rritje, kështu që është e vështirë të japim këshilla. Deri tani nuk jemi përballur me këtë sfidë, pasi tendenca është largimi drejt veriut, drejt Gjermanisë. Kur dëgjojmë që ngrihen “muret e turpit” për refugjatët, ne qeshim, pasi në vitin 1999 mirëpritëm gjysmë milioni shqiptarë të Kosovës. I krijuam mundësinë vendeve të NATO të lironin Kosovën. Pra gjysmë milioni njerëz në Shqipërinë e 199-ës, një vend shumë i varfër dhe them që vendi nuk ka vuajtur asgjë më shumë sesa vuajtjet që vinin nga shpirti i këtyre njerëzve, Nëse Shqipëria e vitit 199 ka arritur të përballojë dallgën e gjysmë milioni njerëzve që erdhën te ne, u pritën dhe jo vetëm në momentin, por edhe me ndërgjegjen se lufta mund të ishte e gjatë, duket e çuditshme që Europa të mos ia dalë, Nëse ne e mbajtëm atë dyndje, Evropa mund t’ia dalë pa dyshim”, tha Rama.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55