POP 5

Lajmet më të lexuara të 5 minutave të fundit

Politikë

Shqipëria i bashkohet sanksioneve evropiane të radhës për Bjellorusinë! Qëndroi aleate e Rusisë që prej nisjes së pushtimit të Ukrainës

Shqipëria i është bashkuar Perëndimit për vendosjen e sanksioneve për Bjellorusinë, për mbështetjen e kësaj të fundit ndaj Rusisë që prej fillimit të agresionit në Ukrainë më 24 shkurt 2022

Shqipëria i bashkohet sanksioneve evropiane të radhës për Bjellorusinë! Qëndroi aleate e Rusisë që prej nisjes së pushtimit të Ukrainës

Aleksandër Lukashenko

Shqipëria i është bashkuar Perëndimit për vendosjen e sanksioneve për Bjellorusinë, për mbështetjen e kësaj të fundit ndaj Rusisë që prej fillimit të agresionit në Ukrainë më 24 shkurt 2022.

Sipas njoftimit zyrtar nga Këshilli i Evropës, janë pesë shtete (mes të cilave Shqipëria), të cilat i janë bashkuar sanksioneve.

Katër të tjerat janë Maqedonia e Veriut, Bosnjë dhe Hercegovina, Mali i Zi dhe Ukraina.

Po ashtu, edhe vende si Islanda, Liechtensteini apo Norvegjia janë bërë bashkë në këtë listë sanksionesh.

Ajo fillimisht është bërë publike më 3 gusht 2023 dhe në të përfshihen 38 individë dhe tre kompani bjelloruse, të cilat shihen si të afërta me presidentin rus, Vladimir Putin.

“Duke pasur parasysh peshën e situatës në Bjellorusi dhe përfshirjen e saj në agresionin rus kundër Ukrainës, 38 individë dhe tre subjekte, duhet të përfshihen në listën e personave fizikë dhe juridikë, subjekteve dhe organeve që i nënshtrohen masave kufizuese”, shkruhet në njoftimin zyrtar nga Komisioni Evropian, sa i takon këtyre sanksioneve.

Një muaj më parë, Shqipëria iu bashkua po ashtu paketës së 11-ë të sanksioneve evropiane kundër Rusisë, së bashku me disa vende të tjera të rajonit dhe vende të cilat nuk janë anëtare në Bashkimin Evropian.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 22/08/2023 23:30

    Vendet perendimore po i detyrojne ato vende qe jane te pafuqishem so ne te vendosin sanksione kundra vendeve qe nuk bejne politiken e tyre , edhe Kina dhe Turqia dhe shume e shume vende nuk e sanksionuan Rusine dhe nuk pashe qe ti sanksiononte njeri kurse Bjellorusia nuk ka peshe si keto vende dhe gati ta shkaterrojne ja ky eshte perendimi i eger qe e mban veten per demokratik

    Përgjigju
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze