Shqipëria ia kalon Afganistanit
e para për azilantët në Francë

Në një deklaratë këtë të hënë, drejtori i OFPRA (Zyrës Qendrore për Mbrojtjen e Emigrantëve), Pascal Brice tha që shifrat tregojnë se "Franca është një nga vendet më të mira për të kërkuar azil në Evropë pas Gjermanisë, e cila pret të marrë vetëm 200,000 kërkesa për azil në 2018”.

Drejtori Pascal Brice shprehu besimin se situata ishte e menaxhueshme, pavarësisht se Franca nuk kishte parë nivele të krahasueshme të azilkërkuesve "për të paktën 40 vjet". Vendi kryesor i origjinës për azilkërkuesit është Shqipëria, me 7 600 kërkesa, e ndjekur nga Afganistani. Shqipërinë Franca e konsideron një vend "të sigurt", prandaj vetëm 6.5 përqind e kërkesave janë pranuar nga ky vend.

Norma e përgjithshme e kërkesave për azil të suksesshëm është zvogëluar në 36 për qind nga 38 për qind në 2016, një rënie e lehtë që Brice tha mund t'i atribuohet rritjes së kërkesave nga Shqipëria.

Afganistani është vendi i dytë pas Shqipërisë me më shumë azilkërkues në Francë, me 5 987 kërkesa në total për vitin 2017, ndër to, 85 përqind e tyre nuk u është pranuar kërkesa për azil. Shqetësimin për numrin e lartë të azilantëve shqiptarë në Francë e ngriti ministri i Brendshëm francez, Gerard Collomb gjatë një vizite në Tiranë në dhjetor të 2017. Ai kërkoi nga autoritetet shqiptare kontrolle të rrepta në kufi me qëllimndalimin e personave të cilët udhëtojnë drejt BE për të kërkuar azil. 

Redaksia Online
A.Gj/Shqiptarja.com

LEXO EDHE:
‘A po vendosni kontroll mbi KLSH-në’, Çuçi: Modeli që po ndjekim është dhe në vende të tjera, në proces janë përfshirë dhe ndërkombëtarët

Sondazhi i ditës:

FSHF rinovon kontratën me trajnerin e Kombëtares Sylvinho, a jeni dakord?

• Po

  76.9%

• Jo

  17.1%

• Nuk e di

  6%

Vota total: 251

Votat totale janë unike

• Sondazhi i ditës:

  FSHF rinovon kontratën me trajnerin e Kombëtares Sylvinho, a jeni dakord?

  Po Jo Nuk e di