POP 5

Lajmet më të lexuara të 5 minutave të fundit

Politikë

Shqipëria, Italia, Bullgaria dhe Maqedonia e Veriut lehtësojnë lëvizshmërinë Ushtarake në Korridorin e VIII! Dokumenti firmoset në Uashington

Kryeministri Rama u takua me liderë botërorë si Presidenti i SHBA-ve Joe Biden dhe Sekretari i Përgjithshëm i NATOS, gjatë punimeve të Samitit të NATO-s në Uashington, aty kur vendi ynë sëbashku me Italinë, Bullgarinë dhe Maqedoninë e Veriut kanë firmosur “Letrën e Qëllimit”, dokument që synon të lehtësojë lëvizjen ushtarake përgjatë korridorit VIII.

Një delegacion nga Shqipëria i kryesuar nga kryeministri Edi Rama po merr pjesë në Samitin e NATO-s që po mbahet në Uashington në datat 9-11 korrik.

Në foto e takime zyrtare kryeministri Edi Rama shihet krah Presidentit të SHBA Joe Biden dhe Sekretarin e Përgjithshëm të NATO Jens Stoltenberg.

Kreu i Qeverisë ka shpërndarë edhe disa fotografi nga darka shtetërore e organizuar Presidentit të Shteteve të Bashkuara të Amerikës Joe Biden dhe Zonja së Parë Jill Biden, për nder të udhëheqësve të NATO-s në Shtëpinë e Bardhë.

Nga 75 vjetori i krijimit të aleancës më të madhe ushtaraje,  edhe Ministri i Jashtëm Igli Hasani ka ndarë disa foto gjatë takimeve dhe punimeve ndërsa përmes një postimi deklaron se Shqipëria ka rikonfirmuar angazhimin e saj për sigurinë kolektive dhe unitetin transatlantik në të gjithë Aleancën.

Gjatë punimeve të këtij Samiti Shqipëria ka nënshkruar gjithashtu Letrën e Qëllimit për sigurimin dhe lehtësimin e lëvizjes Ushtarake përgjatë Korridorit VIII Pan-Europian, së bashku me Italinë, Bullgarinë dhe Maqedonisë së Veriut.

Përmes këtij dokumenti, shtetet angazhohen të marrin të gjitha masat e duhura për të siguruar maksimumin e fleksibilitetit të lëvizshmërinë ushtarake në territoret e tyre në mbështetje të agjendës së NATO-s dhe mbrojtjen në zonën euro-atlantike.

Ky dokument është firmosur nga ministri Niko Peleshi, ministri italian i Mbrojtjes Guido Crosetto, ministri bullgar i Mbrojtjes Atanas Zaprianov dhe ministri i Mbrojtjes së Maqedonisë së Veriut Vlado Misajlovski dhe u jep mundësi trupave ushtarake NATO-s të zhvendosen shpejt dhe lirshëm nga Deti Adriatik në Detin e Zi si dhe të depërtojnë në thellësi të Ballkanit, nëse do të jetë e nevojshme.

Ideja për të patur një dokument të tillë, i cili do të garantojë lëvizshmërinë përgjatë vendeve që preken nga Korridori VIII Pan-Europian është propozuar nga Shqipëria, e cila drejtoi të gjithë procesin e negocimit dhe koordinimit.

Nënshkrimi i Letrës së Qëllimit vjen në mbështetje të vizionit që Shqipëria ka për Korridorin VIII si edhe të projektit për ndërtimin e Bazës Detare të NATO-s në Porto Romano, që do të shërbejë si porta kryesore hyrëse në Ballkanin Perëndimor dhe më tej, në Detin e Zi.

Letra e Qëllimit do të rrisë vizibilitetin e projekteve të përbashkëta si dhe rëndësinë gjeostrategjike të tyre për të gjithë rajonin.

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rruga: 11/07/2024 10:02

    Tjua hapet rruga drejt BE (N.Maqedonia dhe Albania )

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

25 Dhjetor, 07:51