POP 5

Lajmet më të lexuara të 5 minutave të fundit

Politikë

Mbyllja e mandatit 2-vjeçar të Shqipërisë në Këshillin e Sigurimit në OKB, ministri i Jashtëm udhëton nesër drejt SHBA-së! Pritet të takohet me Guterres

Ministri për Evropën dhe Punët e Jashtme, Igli Hasani, në datat 14 dhe 15 dhjetor 2023, do të jetë një Nju Jork të Shteteve të Bashkuara, në kuadër të muajit të fundit të mandatit të Shqipërisë në Këshillin e Sigurimit të OKB

Mbyllja e mandatit 2-vjeçar të Shqipërisë në Këshillin e Sigurimit në OKB, ministri i Jashtëm udhëton nesër drejt SHBA-së! Pritet të takohet me Guterres

Igli Hasani dhe Sekretari i Përgjithshëm i OKB-së, Antonio Guterres

Ministri për Evropën dhe Punët e Jashtme, Igli Hasani, në datat 14 dhe 15 dhjetor 2023, do të jetë një Nju Jork të Shteteve të Bashkuara, në kuadër të muajit të fundit të mandatit të Shqipërisë në Këshillin e Sigurimit të OKB. Gjatë ditës së nesërme ministri Hasani kryeson takimin me temë “Fuqizimi i të rinjve për të trajtuar çështjet e pajtimit, paqes dhe stabilitetit: formësimi i një të nesërme më të ndritshme”.

Ndërkohë më datë 15 dhjetor ministri Hasani merr pjesë në takimin “Trajtimi i kërcënimit që paraqet diversioni, trafikimi i paligjshëm dhe keqpërdorimi i armëve të vogla dhe të lehta dhe municioneve të tyre, për paqen dhe sigurinë.” Ministri Hasani merr pjesë në takimin me dyer të mbyllura “Iniciativa për angazhime të përbashkëta: Përshpejtimi i axhendës “Gratë, Paqja dhe Siguria” në Këshillin e Sigurimit

Gjatë qëndrimit në Nju Jork, ministri Hasani do të pritet në takim nga Sekretari i Përgjithshëm i OKB-së, Antonio Guterres. Shqipëria mbyll më 31 dhjetor mandatin e saj dyvjeçar si anëtar jo i përhershëm i Këshillit të Sigurimit.

Gjatë kësaj periudhe dyvjeçare vendi ynë me përkushtimin dhe pjesëmarrjen aktive në punimet e Këshillit ka dëshmuar qartë se i përket një aleance vlerash politiko-strategjike të konsoliduara prej vitesh, si një vend që ka bërë dhe vazhdon të japë një kontribut të qenësishëm për paqen dhe stabilitetin global, duke pasur si prioritet rajonin, kontinentin evropian e më gjerë.

Ky mandat në Këshill ofroi mundësinë për të forcuar marrëdhëniet tona me partnerët dhe aleatët tanë strategjikë, por në të njëjtën kohë edhe për të zhvilluar pozicione në lidhje me çështjet dhe situatat në mbarë botën.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

FOTOLAJM/ Kryetari i Kuvendit të Kosovës bëhet baba për herë të tretë, zbulon emrin e veçantë të vajzës

FOTOLAJM/ Kryetari i Kuvendit të Kosovës bëhet baba për herë të tretë, zbulon emrin e veçantë të vajzës

18 Dhjetor, 13:59