POP 5

Lajmet më të lexuara të 5 minutave të fundit

Ekonomi

Shqipëria në hartën e investimeve amerikane! Jaço: Ndryshimi i taksave frenon investitorët

Pas 2 investimeve amerikane në sektorin e energjisë, pritshmëritë janë që të tërhiqen sa më shumë biznese të huaja. Por presidenti i Dhomës Amerikane Enio Jaço ngriti shqetësimin e ndryshimit të shpeshtë të taksave.

Dy investimet amerikane HEC i Skavicës dhe TEC i Vlorës janë një hap shumë pozitiv për të tërhequr më shumë sipërmarrës të huaj në vend.

“Për herë të parë kemi një rritje të investimeve amerikane në Shqipëri. Dhe këtu i referohem dy projekteve të mëdha amerikane të sapo nënshkruara, shumë të rëndësishme, HEC-i i Skavicës dhe TEC-i i Vlorës. Këto 2 investime madhore janë një moment i rëndësishëm në thithjen e investimeve të tjera në Shqipëri.  Ne mendojmë se rritja e investimeve jo vetëm amerikane por edhe të huaja është nëse ne adresojmë klimën e biznesit”, u shpreh Jaço.

Në forumin  e përvitshëm për bizneset presidenti i dhomës Amerikane Enio Jaço tha se investitorët stepen nga ndryshimet fiskale, ndërsa ligjin për tatimet e konsideroi të vjetër.

“Investitorët e gjejnë të vështirë të planifikojnë në plan afatgjatë nëse kemi një ndryshim, frekuent, e bën këtë sistem jo atraktiv.  Ligji i tatimeve është krijuar në vitin 1998. Sigurisht që ka marrë disa riparime ndër vite, por është një ligj shumë i vjetër, i cili nuk e ka strukturën moderne të raportimit financiar ndërkombëtar dhe si i tillë lejon hapësira të cilat janë relativisht të pa-menaxhueshme dhe konfuze për bizneset”, sqaron ai.

Në përgjigje të këtyre shqetësimeve, drejtoresha e Tatimeve Delina Ibrahimaj, njoftoi se ligji për tatimet do të ndryshojë.

“Në vitin 2021 do të fillojë puna për hartimin e një ligji të ri, që është kërkesë e BE për të pasur një ligj më të thjeshtë. MFE po punon për një strategji  afatmesme të politikave fiskale”, u shpreh Ibrahimaj.

Po ashtu Ibrahimaj tha se do të bëhet automatik edhe rimbursimi i TVSH për bizneset, në mënyrë që të shmangen burokracitë dhe vonesat.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr

DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr

27 Nëntor, 22:46