Në Bruksel u arrit marrëveshja që katër vende të Ballkanit Perëndimor, mes të cilëve edhe Shqipëria, t’i bashkohen Programit të Europës Digjitale, që çel mundësi të arta për qytetarë, institucione publike apo organizata të ndryshme të aplikojnë për të përfituar nga skema financuese prej 7.5 miliardë eurosh.
Zhvillimi i projekteve në fushën e Inteligjencës Artificiale, aftësimi digjital dhe krijimi i kushteve të duhura, për të instaluar laboratorë digjitale në vendet respektive, do ta çojë Shqipërinë më pranë Europës.
Në takimin e sotëm në Bruksel, në vazhdë të dialogut rregullator BE-Ballkan Perëndimor, Agjencia Kombëtare e Shoqërisë së Informacionit, përfaqësuar nga Nevila Repishti, drejtuese e portalit qeveritar e-Albania, ishte pjesë panelit për ndërveprimin e shërbimeve publike digjitale.
'Platforma Qeveritare e Ndërveprimit deri më tani ka mirëfunksionuar për ofrimin e shpejtë të shërbimeve elektronike në portalin e-Albania, falë ndërveprimit në kohë reale të sistemeve publike. Ndërveprimi i sektorit publik përfaqëson aftësinë e administratës për të bashkëpunuar dhe për të bërë që shërbimet publike të funksionojnë përtej kufijve organizativë. Falë tij, sot qytetarët dhe bizneset në Shqipëri kursejnë kohë dhe para, sepse 1227 shërbime publike janë plotësisht në funksion të tyre. Përmes e-Albania kryhen aplikime, ku 66 për qind e formularëve elektronikë plotësohen automatikisht, gjenerohen dokumente elektronike e kryhen pagesa”, theksoi Repishti, duke përmendur gjithashtu, kalimin së shpejti, në versionin e e-Albania 2.0, me shërbime proaktive dhe asistencë virtuale zanore.
Shqipëria ka objektiv kryesor plotësimin e standardeve dhe kushteve për të siguruar një të ardhme të sigurt në Bashkimin Europian, ndaj, puna që po bëhet me transformimin digjital të institucioneve publike dhe modernizimi në këtë drejtim është fokus kryesor i qeverisë shqiptare.
“Një nismë e rëndësishme e qeverisë është zhvillimi i strategjisë së Inteligjencës Artificiale dhe politikave rregullatore që do të mbështesin zbatimin e përgjegjshëm të saj. Qeveria synon të shtrojë rrugën e duhur për përdorimin etik të Inteligjencës Artificiale në administratën publike, për të siguruar rezultate të sigurta, të besueshme dhe të barabarta për të gjithë qytetarët dhe bizneset, duke reduktuar rreziqet e ndikimeve negative dhe duke siguruar që bizneset dhe qeveria të praktikojnë standardet e duhura etike për zhvillimin dhe zbatimin e zgjidhjeve të Inteligjencës Artificiale”, theksoi Repishti.
AKSHI, tashmë është pjesë integrale e përfaqësimit të Shqipërisë në takime të ndryshme në Bruksel, duke raportuar për ecurinë e vendit në kuadër të digjitalizimit dhe përafrimit me standardet e Bashkimit Europian.
Lajme të tjera
-
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Tiranë/ Digjen 3 autobusë gjatë natës tek Ish-Uzina e Autotraktorit (VIDEO)
24 Dhjetor, 08:09
