TIRANË- Shqipëria ka arritur të marrë 3 pikë shumë të rëndësishme në takimin e sotëm ndaj Kazakistanit të luajtur në 'Air Albania', ndeshje kjo e vlefshme për Ligën e Kombeve. Sokol Cikalleshi, Ardian Ismajlaj dhe Rey Manaj i dhanë Shqipërisë një fitore shumë të vlefshme. Kuqezinjtë e nisën shumë mbarë pjesën e parë të këtij takimi me Cikalleshin që shënoi gol kur kishin kaluar vetëm 16 minuta nga ndeshja.
Ardian Ismajli i zuri në befasi kazakët dhe shënoi golin e dytë brenda 7 minutave, edhe pse festa e kuqezinjve zgjati shumë pak. Kundërpërgjigja e miqve erdhi shumë shpejt, pas 120 sekondash. Mbrojtësi 24-vjeçar Aibol Abiken gjeti rrjetën nga mesfusha, duke ngushtuar diferencën. Pjesa e dytë shkoi mbarë për djemtë e Edi Rejës, të cilët arritën të gjenin golin e qetësisë dhe fitores nga pika e bardhë e penalltisë me anë të Rey Manaj.
Kështu, Shqipëria shkon në kuotën e 8 pikëve dhe në vendin e dytë në grupin 4 të Ligës C, pas Bjellorusisë. Kjo e fundit, arriti të siguronte një fitore me rezultatin 2-0 ndaj Lituanisë, rezultat ky i cili i nevojitej edhe kombëtares sonë. Fatkeqësisht, kjo fitore nuk u arrit të festohej ashtu siç duhej për shkak se shkallët e stadiumit ishin të ulur tifozë të paktë si pasojë e COVID-19.
Tashmë "beteja e fundit" do të jetë përballja me Bjellorusinë, pas tri ditësh, ndeshje e cila do të luhet në 'Air Albania. Kuqezinjve iu duhet vetëm fitorja, për ta lënë pas Bjellorusinë e për të marrë kreun e grupit.
Trajneri Edi Reja ka mbetur shumë i kënaqur nga fitorja 3-1 përballë Kazakistanit, por shton se pritshmëritë e tij janë më të mëdha. Ai ka pasur disa rezerva sa i takon fushën në stadiumin 'Air Albania'.
Sa i kënaqur me performancën? Ka qenë një pesëminutësh ku rrezikuan, u duk sikur po flinim. Pastaj bëmë 20 minuta të mira, por pësuam atë gol të çuditshëm që na bëri të vuajmë deri në fund të pjesës së parë se ishin të fortë fizikisht dhe në mesfushë nuk po i mbanin. Po bënin diferencë në goditje këndi dhe na krijuan vështirësi. Por, kishim raste me Uzunin, Hysaj dhe rezultati mund të ishte më i thellë, por kur fiton është mirë.
Por, nuk është se jam shumë i kënaqur dhe këtë e di se skuadra mund të bëj më mirë dhe ka potencial të madh. Por, nuk e di se çfarë ndodh në këtë stadium që nuk luajmë mirë, kemi bërë paraqitje të mira edhe në Elbasan. Ndërsa, në këtë stadium të bukur nuk luajmë bukur. Ndërsa, duhet të fitojmë me Bjellorusinë edhe nëse nuk luajmë bukur se pastaj kjo fitore shkon dëm. Stadiumi është i bukur, por fusha ka disa probleme”.
Te standartet dhe te penalltitë janë rolet e ndarë? Janë dy futbollistë, Memushaj për goditjet e dënimit dhe për penallti janë Manaj dhe Cikalleshi. Godet kush është më mirë”.
Pezullimi i Abrashit? Më vjen shumë keq se Abrashi se në mesfushë ndihet shumë, por shpresoj të rikuperojë Gjasulën që të jetë në kohën e duhur. Erdhi të premten dhe ka pasur disa problem, i kërkova të vinte medoemos. E bëri një pjesë loje, sigurisht ndaj Bjellorusisë do të na duhet shumë. Ikën Abrashi dhe rikthehet Laçi, këto kemi në dispozcion.
Presidenti Ilir Meta ka reaguar pas fitores së kombëtares përballë Kazakistanit.
"Urime kuqezinjve për fitoren e merituar", shkruan Meta.
Shqipëria merr një fitore të pastër në 'Air Albania'! Mund 3-1 Kazakistanin. Sokol Cikalleshi, Ardian Ismajlaj dhe Rei Manaj me penallti i dhanë fitoren kuqezinje në ndeshjen e vlefshme për Ligën e kombeve.
Pjesa e dytë ka nisur shumë mirë për kuqezinjtë! Rei Manaj ka arritur të kthejë penalltinë e siguruar në një gol, duke i dhënë Shqipërinë qetësinë e nevojshme.
Shqipëria shënon golin e dytë në pjesën e parë. Goli i dytë i shënua nga Ardian Ismaili, megjithatë fitorja nuk zgjati shumë. Kazakët ngushtojnë diferencën me një gol nga mesfusha.
Sokol Cikalleshi ka kaluar Shqipërinë në avantazh me një gol të shënuar në minutën e 16.
Trajneri i Kombëtares Edy Reja ka zgjedhur të kthejë ‘gardën e vjetër’ për ndeshjen deçizive në Ligën e Kombeve kundër Kazakistanit që starton në orën 18:00.
Tekniku italian ka ndryshuar paksa në formacion, pasi nga 3-5-2 ka kaluar në 3-4-1-2 ku sigurisht në mungesë të Strakoshës do të jetë kapiteni Etrit Berisha. Në mbrojtje, ndryshe nga ndeshja me Kosovën do të luajnë Veseli, Ismajli dhe Berat Gjimshiti.
Nga krahët do të jenë Elseid Hysaj dhe Ledian Memushaj, ndërsa sulmi i përbërë nga Rei Manaj dhe Myrto Uzuni do të mbështet nga Sokol Cikalleshi.
Komente
Lajme të tjera
-
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40 -
Dështimi i Kombëtares në Ligën e Kombeve, Baze për Report Tv: Armand Duka s’mori përgjegjësi, po ia faturon Sylvinhos
29 Nëntor, 19:48 -
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
VIDEO/ Kombëtarja uron Ditën e Flamurit, Sylvinho flet shqip: Gëzuar Shqipëri
28 Nëntor, 13:11 -
Sylvinho e ka ‘harruar’, trondit Cristian Shpendi: Jam me Shqipërinë, por e pres Italinë
28 Nëntor, 08:27 -
Botërori 2026/ Nga shorti i grupeve, kualifikueset dhe si do të funksionojë faza play-off! Kombëtarja në vazon e tretë
24 Nëntor, 22:56 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Shorti i kualifikueseve të Kupës së Botës, Kombëtarja rrezikon përballjen me Serbinë ose Kosovën
20 Nëntor, 20:55
Fusha e air albania ka qene me probleme qe ne fillim dhe ky eshte nje abuzim i rende me cilesine e punimeve. Dhe askush nuk e hap goje. Dhe pse te gjithe e shohin. Cudi e madhe.
Përgjigju