Shqipëria shënon 12 vjetorin e anëtarësimit zyrtar të saj në NATO.
Pas përfundimit të ratifikimit të protokollit të anëtarësimit nga të gjitha vendet anëtare dhe depozitimit të instrumentit të aderimit në NATO në Departamentin Amerikan të Shtetit, Shqipëria u anëtarësua zyrtarisht në NATO më 1 prill 2009.
Shqipëria mori për herë të parë pjesë si anëtare me të drejta të plota e Organizatës së Traktatit të Atlantikut Verior në samitin që u mbajt në Strasbourg/Kehl më 4 prill 2009, ndërkohë që më 7 prill 2009, në selinë e Aleancës në Bruksel, u zhvillua ceremonia zyrtare e ngritjes së flamujve të Shqipërisë dhe Kroacisë në NATO.
Para, por edhe pas anëtarësimit, Shqipëria ka ofruar kontributin e saj në operacionet ndërkombëtare të paqes të drejtuara nga NATO, por edhe nga Bashkimi Evropian (BE) dhe Organizata e Kombeve të Bashkuara (OKB).
Shqipëria është bërë pjesë e dhjetëra operacioneve dhe misioneve ndërkombëtare në Kosovë, Bosnje dhe Hercegovinë, Mali, Detin Egje, Letoni, Irak dhe Afganistan, ndërsa gjatë 12 viteve si pjesë e Aleancës, Ushtria e Shqipërisë është përfshirë në një proces transformimi dhe modernizimi, që nga personeli dhe deri te pajisjet dhe mjetet ushtarake.
Në periudhën 1992-1999, Shqipëria vazhdoi përpjekjet rreth procesit të aderimit, duke u përfshirë në iniciativa të ndryshme dhe nënshkrimin e disa dokumenteve që do t'i hapnin rrugën procesit të anëtarësimit të plotë.
Lidhur me këtë ditë të rëndësishme dhe kyçe për Shqipërinë kanë reaguar dhe përshëndetur shumë personazhe të politikës dhe jo shqiptare.
Ambasadorja e SHBA, Yuri Kim ka kujtuar 12-vjetorin e anëtarësimit të Shqipërisë në NATO, përmes një postimi në rrjetin e saj social Twitter.
Ajo shprehet krenare që SHBA ka një aleate si Shqipëria në NATO dhe se 2 vendet do të jenë gjithmonë së bashku.
Edhe ministrja e Jashtme Olta Xhaçka e ka kujtuar këtë ditë të rëndësishme, duke thënë se në këto vite ja kemi dalë të fitojmë besimin e aleatëve si partnerë të besueshëm dhe kontribuues seriozë në sigurinë kolektive të Aleancës.
Përmes publikimit të një videoje të punës së EOD-së, një strukture të Forcave të Armatosura, ministri i Mbrojtjes Niko Peleshi ka përshëndetur 12-vjetorin e anëtarësimit të Shqipërisë në NATO.
Nga lista e personave që kanë kujtuar këtë ditë nuk ka munguar edhe Kryedemokrati, Lulzim Basha.
Kreu i Partisë Demokratike Lulzim Basha ka kujtuar 12-vjetorin e anëtarësimit të Shqipërisë në NATO.
Përmes një postimi në rrjetin e saj social Facebook, ai ka publikuar edhe një video përmes së cilës shfaqet kryedemokrati ndër vite në takimet e tij me zyrtarë të lartë të Bashkimit Evropian.
“Atëherë askush nuk e besonte, por ne e bëmë realitet. Ne shqiptarët e dimë kush jemi, e kemi treguar veten në ditë të vështira dhe kemi fituar. Misioni i ri: Bashkimi Evropian”, shkruhet në video
Ai ka gjetur rastin edhe të ftojë shqiptarët që në zgjedhjet parlamentare më 25 prill t’i bashkohen duke e votuar dhe për ta anëtarësuar Shqipërinë në BE.
Ministrja e Jashtme Olta Xhaçka ka kujtuar 12-vjetorin e anëtarësimit të Shqipërisë në NATO, duke thënë se në këto vite ja kemi dalë të fitojmë besimin e aleatëve si partnerë të besueshëm dhe kontribuues seriozë në sigurinë kolektive të Aleancës.
Përmes një postimi në rrjetin social Facebook, Xhaçka shkruan se sfida jonë tani është integrimi në BE, dhe se edhe kjo me punë dhe përkushtim do të fitohet, duke filluar nga mbajtja e Konferencës së Parë Ndërqeveritare brenda këtij viti.
Ambasadorja e SHBA, Yuri Kim ka kujtuar 12-vjetorin e anëtarësimit të Shqipërisë në NATO, përmes një postimi në rrjetin e saj social Twitter.
Ajo shprehet krenare që SHBA ka një aleate si Shqipëria në NATO dhe se 2 vendet do të jenë gjithmonë së bashku.
"Ju jeni me ne dhe ne jemi me ju. ", shkruan Kim në postim.
Lidhur me ditën e sotme ka reaguar edhe Ambasade e SHBA në Tiranë, duke thënë se Shqipëria mund të mbështet te SHBA dhe SHBA mund të gjej mbështetje në Shqipëri më shumë se kurrë
.
Ministri i Mbrojtjes, Niko Peleshi në 12 vjetorin e anëtarësimi të Shqipërisë në NATO, e ka kujtuar këtë ditë përmes një videoje të punës së EOD-së, një strukture të Forcave të Armatosura, që e kanë nderuar vendin tonë në gjirin e NATOS-s me suksesin e saj.
Përmes një postimi në rrjetin tij social Facebook, ai shkruan se Shqipëria ka zënë vendin e saj në Aleancën e NATO-s, jo thjesht si një anëtar formal, por tashmë si një partner i dobishëm e i besueshëm.
Kryetari i Kuvendit, Gramoz Ruçi, ka përshëndetur sot 12-vjetorin e anëtarësimit zyrtar të Shqipërisë në NATO.
“Sot është një datë historike në rrugëtimin euro-atlantik të Shqipërisë. Pas përfundimit të ratifikimit të protokollit të anëtarësimit nga të gjitha vendet anëtare dhe depozitimit të instrumentit të aderimit në NATO në Departamentin Amerikan të Shtetit, Shqipëria u anëtarësua zyrtarisht në NATO më 1 prill 2009. Shqipëria mori për herë të parë pjesë si anëtare me të drejta të plota e Organizatës së Traktatit të Atlantikut Verior në samitin e Strasbourg/Kehl, më 4 prill 2009. Më 7 prill 2009, në në Bruksel, u zhvillua ceremonia zyrtare e ngritjes së flamurit të Shqipërisë në NATO. Anëtarësimi në NATO ishte kurorëzimi i arritjeve dhe kontributeve të Shqipërisë për sigurinë, stabilitetin dhe paqen. Gjatë këtyre 12 vjetëve Shqipëria është sprovuar si një anëtare e denjë e Aleancës dhe ka kontribuar në misionet e saj në ndihmë të paqes e sigurisë në disa rajone të planetit.
Shqipëria, me rrënjë, kulturë dhe aspirata euro-atlantike, arriti para 12 vjetësh në një nga stacionet perëndimore të saj, në atë të sigurisë dhe paqes. Sot jemi në portat e BE-së, stacionit të zhvillimit e mirëqenies, dhe të gatshëm për çeljen e negociatave. Me mbrritjen në këtë stacion, Shqipëria dhe shqiptarët i japim fund pozicionit asimetrik midis identitetit tonë europian, pozicionit tonë euro-atlantik dhe të cilët po vijohen e plotësohen nga bashkimi me familjen europiane dhe kthimin e plotë në habitatin politik europian. Shqipëria në NATO dhe në portat e BE-së janë meritë e të gjithë shqiptarëve. Por sot është rasti të shprehim mirënjohjen për mbështetjen e fuqishme të partnerëve tanë strategjikë, Shteteve të Bashkuara dhe Bashkimit Europian për mbështetjen e fuqishme të rrugëtimit tonë euro-atlantik.”, shkruan në mesazhin e tij Kryetari i Kuvendit, Gramoz Ruçi.
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Nisja e kontingjentit EOD drejt Letonisë, Vengu: Jeni mburoja dhe forca e të gjithëve
26 Nëntor, 16:05 -
NATO dhe Ukraina takohen lidhur me raketën e re ruse
26 Nëntor, 08:23 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Shef i NATO-s, Mark Rutte viziton sot Turqinë ku do takohet me Erdogan dhe Fidan! Nesër do të jetë në Athinë
25 Nëntor, 09:49 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
E ardhmja e NATO-s dhe qëndrimet e Trump
24 Nëntor, 17:30 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08
