Me lehtësi ia ka dalë të fitojë kombëtarja në miqësoren kundër Lihtenshtejnit, duke i mbyllur 90 minutat me rezultatin 3-0. Sylvinho zbriti në fushë me një sërë ndryshimesh, duke filluar nga sulmi ku titullarë ishin Broja dhe Hoxha, ndërsa në mesfushë nga minuta e parë ishte Gjasula. Për të parë golin e parë u desh të kalonin 31 minuta, kur Broja i shërbyer me mjeshtëri nga Bajrami nuk fali përballë portierit.
Në pjesën e dytë trajneri i kuqezinjve e nisi me 3 ndryshime, duke aktivizuar Muçin, Mihajn dhe Qazim Laçin në vend të Gjasulës, Ismajlit dhe Arbër Hoxhajt. Pa kaluar shumë, Jasir Asani edhe njëherë shpiku një supergol. Mëngjarashi dyfuishoi shifrat me goditje dënimi.
Në vijim kombëtarja nuk e uli ritmin, teksa në minutën e 67 Muçi realizoi me portën e boshatisur pas një këmbëngulje të gjatë të kuqezinjve.
Në këtë miqësore Sylvinho aktivizoi edhe Kumbullën në vend të Mihajt, Manajn në vend të Brojës dhe Medon Berishën në vend të Jasir Asanit. Në fund ajo që vlen është se përveçse fitores trajneri pati mundësinë të shohë një numër të lartë lojtarësh në aksion, duke shuar disa pikëpyetje para kampionatit evropian.
Për shkak të vonesave si pasojë e grumbullimit me elipet e tyre, por edhe për shkak të zgjedhjeve të trajnerit Gjimshiti, Seferi, Abrashi, Ramadani dhe Seferi e ndoqën këtë miqësore nga tribuna. Më 7 qershor, po në Hungari, do luhet edhe miqësorja e dytë e kuqezinjve para Evropianit teksa përballë do kenë Azerbajxhanin.
Minutë pas minute
90+2’ Ka përfunduar me fitoren 3-0 miqësorja e kombëtares kundër Lihtenshtejnit e luajtur në Hungari.
67' Shqipëria shënon edhe golin e tretë. Pas një rrëmuje në zonë është Ernest Muçi që realizon me portën e boshatisur.
47’ Jasir Asani dyfishon shifrat me goditje dënimi. Mëngjarashi realizoi një supergol. Ndërkohë në nisjen e pjesës së dytë Sylvinho bëri tre zëvendësime duke nxjerrë jashtë Ismajlin, Hoxhën dhe Gjasulën, ndërsa aktivizoi Mihajn, Muçin dhe Laçin.
45+2’ Mbyllet pjesa e parë e miqësores kundër Litenshtejn. Vendos goli i Brojës.
31’ Armando Broja shënon gol. Bajrami kap në befasi kundërshtarët me një top të shpejtë nga goditja e dënimit, duke pasuar te Broja i cil përballë portierit nuk fal. Goli i pestë me kombëtaren për 22-vjeçarin.
1' Ka nisur ndeshja miqësore e kombëtares në Hungari
Janë publikuar formacionet zyrtare të ndeshjes miqësore Shqipëri-Litenshtejn, e para nga dy, që kombëtarja do luajë në prag të kampionatit Evropian. Trajneri Sylvinho ka disi ndryshime nga ndeshjet e mëparshme, duke filluar nga sulmi ku Broja do jetë në maj, i mbështetur nga Arbër Hoxha. Këta të dy, sëbashku me Jasir Asanin do përbëjnë repartin ofensiv.
Në mesfushë Ylber Ramadani është lënë pushim, pasi Sylvinho ka ngarkuar Klaus Gjasulën si ‘digë’ para mbrojtjes. Ky repart përbehet edhe nga Asllani e Nedim Bajrami. Ndryshime ka edhe në mbrojtje.
Kombëtarja në këtë miqësore shihet si super favorite për të fituar, ndërsa Litenshtejn vjen me shumë mungesa, kryesisht dëmtime.
Formacionet zyrtare
SHQIPËRIA: E. Berisha, Balliu, Ismajli, Ajeti, Mitaj, Gjasula, Asllani, Bajrami, Asani, Hoxha, Broja.
Trajner: Silvinjo
LIHTENSHTEJNI: Ospelt, Kindl, Gopel, N. Bek, Volfinger, Maier, Sele, Byhel, Lyhinger, Saglam, J. Bek.
Trajner: Konrad Fynfshtyk
Sulmuesi i kombëtares shënoi një nga golat kundër Lihtenshtejnit, ndërsa për mediat pas ndeshjes ka pohuar se me Shqipërinë është ndienjë tjetër kur luan në krahasim me klubin.
"Te klubi nuk shkon gjithmonë siç e do ti, por është ndjenjë e trajnerit. Duhet të vazhdojmë, kur vij këtu kam një emocion tjetër. Luaj siç kam qejf unë, kur kënaqesh në fushë bëhet futboll i bukur.
Jam gati gjithmonë, që kur kam qenë djalë i vogël. Trajneri ka zgjedhjen, unë jap maksimumin. Jam këtu për të ndihmuar Shqipërinë me gola, asiste dhe performancë të mirë. Jam sulmues dhe duhet të bëj punën time, duhet të bëj diferencën në ndeshje. Për këtë gjë jam këtu. Ishalla Zoti më ndihmon të luaj mirë e të bëj sa më shumë për Kombëtaren.
Ana fizike, jam shumë shumë shumë mirë. Kam punuar vetëm jashtë klubit. Jam kthyer siç isha para dëmtimit. Jam shumë mirë fizikisht, ishalla luaj. Duhet të testoj veten për të parë se sa jap në fushë, por trajneri donte të shihte edhe lojtarë të tjerë.
Kam dy vjet jashtë Kombëtares, sa u ktheva të gjithë ishin mirë me mua. Shkojmë shumë mirë. Kam qenë edhe para me këta dhe e njohim njëri-tjetrin. është bukur kur shkojmë mirë bashkë. Rrijmë edhe jashtë futbollit bashkë, trajneri na ka bashkuar si ekip. Ne luajmë edhe për tifozët, kam kënaqësi të madhe kur vij këtu. Më japin konfidencë, më japin një dorë duke më ndihmuar gjithmonë. I falenderoj të gjithë shqiptarët që kanë besim tek unë.
Kemi lojtarë që luajnë në kampionate të forta. Kjo është e bukura, kur luan kundër më të mirëve. Po punojmë shumë për të luajtur siç duhet. Do të jetë e vështirë, por jemi të përgatitur dhe të kënaqur. Varet nga ndeshja, janë 90 mintua dhe një gjë e vogël bën diferencën. Unë jam gati për të gjitha rastet që do të më vijnë", tha Broja për 'Supersport'.
Kombëtarja shqiptare luan sot miqësoren e parë të qershorit ndaj Lihtenshtejnit në stadiumin “Haladas Sportkomplex” të Hungarisë në kuadër të përgatitjeve për “Euro 2024”.
Departamenti i Komunikimit në FSHF bën me dije se trajneri Silvinjo ka vendosur të ketë 22 lojtarë në stol për këtë sfidë, ndërsa pesë prej tyre do të jenë në tribunë dhe do nuk do të aktivizohen.
Bëhet fjalë për futbollistët Berat Gjimshiti, Taulant Seferi, Amir Abrashi, Ylber Ramadani dhe Simon Simoni, të cilët janë lënë pushim për këtë sfidë si zgjedhje teknike e trajnerit të Kombëtares.
Lajme të tjera
-
'Minuta Zero'/ Nard Ndoka zbulon: E njoh futbollin, kam qenë golëshënues! E pamendueshme që Broja rri jashtë formacionit
27 Qershor, 20:13 -
Europiani kuqezi/ Gazetari Ernest Koçi: Trajneri Sylvinho drejt largimit, e ka mbyllur me Shqipërinë! Broja neglizhoi stërvitjen para Spanjës
27 Qershor, 17:50 -
Berat Gjimshiti: Të udhëhiqja Kombëtaren ishte unike, na mungoi fati
26 Qershor, 13:54 -
Eduard Zaloshnja: Pothuaj 80% vlerësim pozitiv për kombëtaren shqiptare, edhe pse u eliminua
25 Qershor, 16:50
-
Kombëtarja mbërrin në Rinas/ Sylvinho konfirmon qëndrimin: Jam pjesë e kësaj pune! Tifozët ishin të pabesueshëm, ishim më shumë se gjermanët
25 Qershor, 15:45 -
Reuters: Nga goli më i shpejtë te tifozët fantastikë, Shqipëria solli surpriza në Euro 2024
25 Qershor, 14:46 -
Euro 2024/ Ish-trajneri i kombëtares Gianni De Biasi për Report Tv: Shqipëria doli me kokën lart, Sylvinho ka bërë punë të mirë
25 Qershor, 13:18 -
Kombëtarja mbyll rrugëtimin në Euro2024! Broja: Ndjesë që nuk ju dhamë më shumë
25 Qershor, 13:01 -
Notat e Shqipërisë: Silvinjo, si e le në stol Hoxhën dhe Brojën? Ajeti 'harron' Gjimshitin, 'zhduket' Bajrami
25 Qershor, 11:30 -
Enxhi Hoxha: Euro 2024, testamenti i shqiptarëve për botën
25 Qershor, 10:56
-
Kombëtarja mbyll Europianin 2024/ Asani: Dhamë maksimumin! Ramadani: S'i shfrytëzuam shanset! Laçi: Grupi ishte i vështirë
25 Qershor, 10:30 -
Nuk u aktivizua në Euro 2024, babai i lojtarit të kombëtares nuk përmbahet në rrjetet sociale: Zoti i shkatërroftë
25 Qershor, 07:16
