Kryetari i Kuvendit të Maqedonisë, Talat Xhaferi në një intervistë për Report Tv pas votimit të ligjit për gjuhën shqipe deklaroi se tashmë gjithçka mund të cilësohet e mbyllur dhe se vendimin nuk mund ta kthejë pas as opozita dhe as protestat që po zhvillohen në Shkup. Xhaferi komentoi edhe situatën e tensionuar dhe incidentin me ish-kryeministrin Gruekvsi ku theksoi se situata ka qenë në kontroll.

“Kishte një situatë ku verbalisht iu mësy tavolinës së punë sime, por çështjet ishin në kontroll dhe nuk morën tatëpjetën sikur ka ndodhur më parë. Votimi i sotëm është konform ligjit, kaloi me shumicë. VRMNO-DPMNE mund të shfaqë kontestimet sipas ligjit. Protesta? Gjithsesi nuk kryejnë punë protestat, pasi ligji është verifikuar dhe të gjitha procedurat janë kompetencë e Kushtetueses’ deklaroi ai.

Ligji për gjuhën shqipe u miratua ditën e sotme në Maqedoni me 64 vota pro, opozita nuk mori pjesë në votim, ndërsa u shënua edhe një incident, pasi ish-kryeministri Gruevski u përplas me kryetarin e Kuvendit, Xhaferi.

d.b/shqiptarja.com