Shqiptarët ‘bien nga vendi i parë’ për mbërritjet me gomone në Britani! Afganët, kombësia më e madhe që kalojnë kanalin ‘La Mansh’

Afganët tani janë kombësia më e madhe e emigrantëve të paligjshëm të cilët mbërrijnë me gomone në brigjet e Britanisë së Madhe. Shifrat tashmë kanë tejkaluar numrin e shqiptarëve që kanë hyrë në Mbretërinë e Bashkuar në muajt e fundit. Qeveria britanike ka bërë të qartë se do të dërgojë afganët në Ruandë nëse vendos që për të mos u pranuar kërkesat për azil.

Zyra e Brendshme e shtetit, deklaroi se nuk kishte nevojë që ata të përdornin varka të vogla dhe tha se refugjatët duhet të kërkojnë azil në vendin e parë të sigurt që arrijnë, shkruan The Independent.

Por një organizatë bamirëse akuzoi qeverinë se i braktisi afganët para terrorit të talebanëve dhe i detyroi ata të bënin kalime të rrezikshme për shkak të mungesës së alternativave.

LEXO EDHE:
Gruas së Bashar Assad-it i ndalohet trajtimi i kancerit në Britaninë e Madhe

Ministrat kanë kërkuar t'i karakterizojnë njerëzit që përdorin gomone për të arritur në Britani si "migrantë të paligjshëm" dhe jo "refugjatë", por 98 për qind e kërkesave afgane për azil u pranuan në vitin 2022.

Vendi është ndër pesë të përzgjedhurit për një skemë të re të shpejtë, ku refugjatëve mund t'u miratohen kërkesat e tyre në bazë të pyetësorëve, megjithëse kjo vlen vetëm për njerëzit që kanë mbërritur përpara korrikut.

Shifrat e Home Office të publikuara të enjten treguan se më shumë se 9,000 afganë kaluan Kanalin me varka të vogla vitin e kaluar, me shifra që u rritën në vjeshtë në vjeshtë.

Një raport zyrtar tha se numri i afganëve u rrit edhe më shumë duke shtuar: "Vetëm 9 për qind e mbërritjeve me varka të vogla ishin shqiptarë [në atë periudhë]. Afganët ishin kombësia kryesore për mbërritjet me varka të vogla në këta tre muaj, duke përbërë 33 për qind të mbërritjeve.”

TAG:
• debati per shqiptaret ne britani
• afganet
• Britani e Madhe

Sondazhi i ditës:

Çfarë prisni në vitin 2025?

• Punë

  9.5%

• Shëndet

  71.1%

• Mirëqënia

  19.4%

Vota total: 619

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia