POP 5

Lajmet më të lexuara të 5 minutave të fundit

Kronikë

Shqiptari i burgosur padrejtësisht
kërkon para nga shteti italian

Çfarë ndodh nëse dikush akuzohet gabimisht për një krim serioz në një vend të huaj dhe mbahet në burg në Britani ndërkohë që zhvillohen procedurat e ekstradimit. A marrin ata kompensimin në të njëjtën mënyrë si një person i dënuar? Një çështje gjyqësore e cila u hap në Itali këtë muaj, ndoshta do të japë përgjigjet.
Shqiptari i burgosur padrejtësisht<br />kërkon para nga shteti italian
TIRANE- Çfarë ndodh nëse dikush akuzohet gabimisht për një krim serioz në një vend të huaj dhe mbahet në burg në Britani ndërkohë që zhvillohen procedurat e ekstradimit. A marrin ata kompensimin në të njëjtën mënyrë si një person i dënuar? Një çështje gjyqësore e cila u hap në Itali këtë muaj, ndoshta do të japë përgjigjet.

Ka filluar çështja për Edmond Arapin, një shqiptar që jeton tani në Staffordshire, dhe që kërkon kompensimin nga autoritetet italiane për arrestin e gabuar dhe burgimin e padrejtë. Në 2006, pa dijeninë e tij, dhe në mungesë të tij, Arapi është dënuar për vrasje nga një gjykatë italiane dhe iu dha në mungesë dënimi prej 16 vitesh. Në fakt, Arapi, që është 31 vjeç, nuk e ka vizituar ansjëherë Genoa, ku ka ndodhur edhe vrasja dhe ka një alibi se ka qenë në një kafe në Staffordshire kur ka ndodhur vrasja.

Arapi është rritur në Fier në Shqipëri dhe ka ardhur në mënyrë legale në Britani në 2000 ku ai ka takuar gruan e tij Georgiana një vit më vonë. Ata kanë tani tre fëmijë të vegjël dhe ai punon si shef guzhine. Ai ka qenë dy herë jashtë Britanisë 10 vitet e fundit: njëherë shumë shkurt në Shqipëri në 2006 për tu martuar me Georgianën dhe në një rast të dytë për katër javë pushime po në Shqipëri në 2009.

Ai ishte vetëm kur u arrestua në Aeroportin Gatëick në 2009 kur kthehej nga pushimet në Shqipëri dhe u akuzua për një vrasje. Konfuzioni u krijua sepse personi që kërkohej për vrasje ka të njëjtin emër me të dhe vjen nga i njëjti vend, Shqipëria. Megjithatë, ndërsa bëheshin procedurat e ekstradimit, Arapi u mbajt për shumë javë në burg në Angli, duke stresuar më shumë familjen e tij të re dhe gruan shtatzënë. Duke pasur një fushatë nga Gjyqe të Ndershme Ndërkombëtarare, autoritetet italiane pranuan se kishte pasur gabim dhe ndërprenë procedurën e ekstradimit.
Nuk është e qartë nëse autoritetet italiane do të pranojnë procedurën e kompensimit për atë që ndodhi dhe që mund të jetë një precedent për rritjen e numrit të çështjeve për ekstradimin e njerëzve që më vonë rezultojnë se nuk i kanë kryer krimet për të cilat akuzohen. “Edmond Arapi s’bëri asgjë të keqe por u dënua për vrasje, kaloi javë në burg dhe jetoi me kërcënimin e ekstradimit për më shumë se një vit” thotë Jago Russell, shefi ekzekutiv i FTI. “Tani është koha që autoritetet italiane të njohin vuajtjet që i krijuan Edmondit dhe familjes së tij dhe për BE që të përmirësojë sistemin e saj të ekstradimit për tu mbrojtur nga ekstradime të tilla të gabuara”.
The Guardian

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

'Do ta gjeni veten të vënë në provë në fusha të ndryshme', çfarë thonë yjet për ju ditën e sotme

'Do ta gjeni veten të vënë në provë në fusha të ndryshme', çfarë thonë yjet për ju ditën e sotme

22 Mars, 07:02