Një ngjarje e rëndë ka ndodhur në provincën e Trevisos në Itali ku një shqiptar nga Kosova ka goditur me thikë për vdekje 27-vjeçaren Vanessa Ballan, në hyrje të shtëpisë së saj.

Mediet italiane raportojnë se i dyshuari kryesor është 41-vjeçari i identifikuar si Bujar Fandaj me banim në Altivole. 

La Repubblica ka publikuar edhe foton e autorit të dyshuar, ndërsa shkruan se e ka goditur gruan shtatzënë shtatë herë me thikë.

26-vjeçarja që u gjet e vrarë në derën e shtëpisë së saj në fshatin Spineda di Riese Pio X, ishte disa muajshe shtatzënë dhe priste fëmijën e dytë.

Vrasja ka ndodhur në hyrje të shtëpisë së viktimës, teksa raportohet se ajo e kishte denoncuar më parë autorin për përndjekje.  Pas vrasjes shqiptari u arratis dhe ende nuk është kapur.

Rendit zhvillimet sipas orarit:
Ora 22:54
Akuzohet se vrau me thikë një 26-vjeçare shtatzënë, mediet italiane publikojnë foton e shqiptarit nga Kosova

1703023018_kkkkkkk.JPG

Viktima Vanessa Ballan dhe autori Bujar Fandaj

La Repubblica ka publikuar foton e shqiptarit nga Kosova Bujar Fandaj i cili akuzohet se ka kryer krimin makabër në Treviso të Italisë, duke vrarë 26-vjeçaren Vanessa Ballan, e cila ishte dhe shtatzënë.

B.K/Shqiptarja.com