Një shqiptar është vrarë me armë zjarri mëngjesin e sotëm në Tivar të Malit të Zi. Sipas “Vijesti” ka mbetur i vrarë Edmond Mustafa, pjesëtar i një grupi kriminal. Në ambjentet e policisë është shoqëruar një person i dyshuar për vrasjen. Policia pas të shtënave ka rrethuar qytetin.
Dëshmitarët okularë nga restorantet në rrugën “Marshall Tito” thanë se dëgjuan të shtëna dhe se një grua ishte me viktimën. Dëshmitarët shtuan se autori është larguar nga vendngjarja me motoçikletë.
Të shtënat ndodhën rreth orës 09:10 të mëngjesit të sotëm.
Policia malazeze ka arrestuar pas disa orësh të dyshuarin për vrasjen e Edmond Mustafës. Siç bëjnë me dije mediat vendase është vënë në pranga Dino Ibrahimovic. Ka qenë prokurorja Irena Buric që ka konfirmuar arrestimin e Dino Ibrahimovic, i cili dyshohet për vrasje dhe armëmbajtje pa leje dhe posedim të lëndëve shpërthyese. Ai është dërguar për t’u marrë në pyetje nga Prokuroria e Lartë në Podgoricë.
Detaje të reja kanë dalë në lidhje me vrasjen e Edmond Mustafës mëngjesin e sotme në Tivar. Mediat malazeze bëjnë me dije se shqiptari është marrë në pyetje më 27 mars 2022 në ambjentet e Departamentit Kundër Krimeve të Rënda në Drejtorinë e Policisë malazeze.
Ai ka kërkuar statusin e bashkëpunëtorit të drejtësisë për zbardhjen e disa vrasjeve të kryera nga anëtarët e bandës Skalja dhe klanit Kavac. Megjithëse, Mustafa pranoi përpara autoriteteve policore bashkëpunimin e tij në disa vrasje dhe nxori emrat e autorëve ai nuk u arrestua kurrë dhe nuk iu dha statusi që kërkonte.
Deklaratën në polici në vitin 2022 ai e kishte kërkuar vetë, pasi i tha Departamentit të Krimeve të Rënda se siguria e tij ishte në rrezik. Mustafa pretendoi se ishte kërcënuar nga anëtar të grupit kriminal “Barska” (degë e klanit Skaljar).
Mustafa deklaroi vullnetarisht gjithçka që dinte për veprat kriminale të kryera nga organizata kriminale së cilës i përkiste, si dhe informacionet që kishte për autorët dhe motivet e veprave të mëposhtme kriminale:
- vrasja e Srgjan Vllahoviqit, e kryer më 10 prill 2016 në Kotorr;
- vrasja e Tomašević Bozhidar, e kryer më 6 gusht 2016 në Tivar;
- vrasja e Vukoslavčević Željko, e kryer më 8 shtator 2016 në Tivar;
- vrasja e Ivan Laban, e kryer më 31 tetor 2016 në Tivar;
- vrasja e Sllobodan Sharanoviqit, e kryer më 11 mars 2017 në Budva;
- Vrasja e Marko Jovanoviqit, i cili, sipas Mustafës, u vra pasi kishte kryer një vrasje të dyfishtë në Podgoricë, dhe më pas trupi i tij ishte hedhur fshehurazi në një nga gropat në zonën e komunës së Tivarit;
- vrasja e Jovan Klisiqit, e kryer më 1 nëntor 2019 në Tivar;
- Zhdukja e Filip Marjanoviqit dhe Vukashin Gošoviqit, shtetas të Republikës së Serbisë, të cilët, sipas Mustafa, u rrëmbyen, u torturuan, u morën në pyetje dhe përfundimisht u vranë në komunën e Danilovgradit;
- Zhdukja dhe vrasja e Sjeklloq Markos, të cilit sipas Mustafës i është hequr jeta, pas së cilës trupi i tij është fshehur në një vend të panjohur për të në zonën e komunës së Tivarit”, thuhet në procesverbali i bërë gjatë intervistës së anëtarëve të Departamentit për Ndalimin e Krimeve të Rënda i Administratës Policore të Malit të Zi.
Policia malazeze ka arrestuar të dyshuarin për vrasjen e Edmond Mustafës në Tivar mëngjesin e sotëm. Siç bëjnë me dije mediat vendase është vënë në pranga Dino Ibrahimovic.
Ka qenë prokurorja Irena Buric që ka konfirmuar arrestimin e Dino Ibrahimovic, i cili dyshohet për vrasje dhe armëmbajtje pa leje dhe posedim të lëndëve shpërthyese. Ai është dërguar për t’u marrë në pyetje nga Prokuroria e Lartë në Podgoricë. Prokurorja për mediat nuk dha sqarime mbi motivin e vrasjes së Mustafës, por tha se do të hetohen të gjitha aspektet që lidhen me vrasjen.
Edmond Mustafa ishte i përfshirë në një organizatë kriminale dhe dyshohet se vrasja ka qenë prej një grupi tjetër rival në zonë.
Lajme të tjera
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
I dërguari i SHBA për Ballkanin Perëndimor, vizitë në Malin e Zi: Mbështesim reformat në sundimin e ligjit
20 Nëntor, 15:45 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
680 mijë euro po hynin në Shqipëri të fshehura në dyert e makinës, arrestohet në Muriqan 51-vjeçari! Furgoni hyri nga Mali i Zi (EMRI + VIDEO)
15 Nëntor, 11:47 -
Java Kulturore e Malit të Zi! Arti dhe tradita bashkohen në një festë të vërtetë kulturore në datat 7 me 12 Nëntor
5 Nëntor, 20:30 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
KE për Planin e Rritjes 6 miliardë euro në Ballkanin Perëndimor: Gjysma e fondeve do të përdoren për infrastrukturë. Ja vendi që do përfitojë më shumë dhe sa merr Shqipëria
20 Tetor, 17:34 -
Aksident i rëndë në Malin e Zi, humbet jetën çifti shqiptar nga Peja! U përplasën me një tjetër makinë
20 Tetor, 16:24 -
BE do ndajë fondet e Planit të Rritjes Ekonomike, Shqipëria pritet të përfitojë rreth 1 miliardë Euro! Ja sa marrin vendet e tjera të Ballkanit Perëndimor
13 Tetor, 18:40 -
BE-ja miraton axhendat e reformave të Shqipërisë, Kosovës dhe 3 vendeve të tjera të Ballkanit Perëndimor për Planin e Rritjes
11 Tetor, 22:19 -
U-19/ Shqipëria triumfon me 3 gola në miqësoren e parë ndaj Malit të Zi
11 Tetor, 16:36
