Shqiptarja.com me një imazh të ri

Shqiptarja.com vjen tek lexuesi me “petka të reja”. Stafi i gazetës gjeti të udhës të ndryshojë imazhin e konsoliduar dyvjeçar, gjithsesi mjaft të pëlqyer nga publiku, me një paraqitje të re, më të zhdërvjelltë, që t’u përgjigjet shijeve më të rafinuara tashmë të lexuesve. Ajo që vlen të theksohet, me këtë rast, është fakti që ndryshimi i paraqitjes erdhi edhe si një nevojë e natyrshme e zgjerimit të aktivitetit tonë mediatik, që pasyrohet dukshëm kohët e fundit në rritjen e shitjeve të gazetës Shqiptarja.com në print dhe rritjes së klikimeve të faqes së saj në internet. Një gjë e tillë ka ndodhur pse lexuesit kanë gjetur në të gjithnjë e më shumë material me interes, për çka ka punuar me përkushtim ekipi i gazetarëve, faqosësve, teknikëve dhe administratorëve. Në se dy vjet më parë ky ekip hodhi hapat e parë në një treg mediatik, ku kishte dhe ka pak vend bosh, tashmë ka bindjen e justifikuar se me punë dhe profesionalizëm mund të arrihet gjithshka. Urojmë që lexuesi ta pëlqejë “look”-un e ri. Siç pëlqen seriozitetin tonë në gjetjen, trajtimin dhe servirjen e lajmit, informacionit dhe komentit për ngjarjet që na shqetësojnë të gjithë.

Redaksia Online
(a.ç/shqiptarja.com)