Britania i ka shpallur luftë profileve që përdoren për emigrim ilegal në rrjetet sociale vitet e fundit, megjithatë, disa prej tyre janë ende aktive. Report TV me anë të një vëzhgimi online konstatoi një grup privat me mbi 50 mijë anëtarë ku bëhen oferta për udhëtim drejt Anglisë me kamion apo me gomone kundrejt pagesës.
Rasti më i fundit është më 11 nëntor, dhe çmimet nuk janë më 10 apo 12 mijë paund, por shkojnë deri në 20 mijë paund, ose 24 milionë lekë të vjetra.
“Konkurentët” më të mëdhenj të transportuesve me kamion janë trafikantët e gomoneve. Pas pandemisë fluksi i emigrantëve që rrezikonin jetën për të udhëtuar nga Calais i Francës drejt Doverit në Angli, përfshirë shqiptarët, u rrit ndjeshëm.
Çmimet nisën me 2000 euro për të tërhequr sa më shumë klandestinë dhe arritën të dyfishohen brenda vitit 2022, por sërish vërehet një ulje e çmimit nga 4000 në 2500 paund, ndërsa 1 sekser arrin fitime deri në 5000 paund në muaj.
Për të shmangur rrezikun e këtyre udhëtimeve, trafikantët kanë gjetur rrugë të tjera. Ata falsifikojnë pasaporta të shtetësive të ndryshme duke përshtatur vetëm gjeneralitetet dhe kështu emigrantët udhëtojnë drejt Irlandës.
Nëse nuk diktohen në aeroport, rruga nga Dublini në Liverpul me taksi është më pak e rrezikshme se kamioni apo gomonia, por çmimi është 3000 paund. Ajo çka vihet re në postimet e publikuara muajin e fundit, janë komentet e shumë shqiptarëve që u këshillojnë bashkëatdhetarëve të mos ndërmarrin rreziqe për të udhëtuar drejt Britanisë, pasi jeta atje është vështirësuar.
Vëzhgimi i Report TV konstatoi shumë persona që kërkojnë punë, madje, edhe gra që kërkojnë ushqim për fëmijët e tyre. Britania ka arrestuar disa prej trafikantëve, ndërsa rasti më i fundit është ai i shqiptares Ujeza Kurmekaj, 32 vjeçe, e arrestuar vitin që shkoi.
Ajo u dënua me 7 vjet e 6 muaj burg pasi në telefonin e saj u gjetën mesazhet e shkëmbyera me grupin e bashkëpunëtorëve që kalonin ilegalisht nga Franca në Angli persona të ndryshëm përfshirë edhe gra e fëmijë kundrejt pagesave.
Lajme të tjera
-
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
VIDEO/ ‘Të futemi përpara se të marrë detyrën Trump’, mijëra emigrantë vërshojnë drejt SHBA-së
21 Nëntor, 17:23 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Angli/ Pjesë e një rrjeti të shitjes së kokainës, 2 shqiptarët e arrestuar dënohen me rreth 8 vite burg në total! Kthyen banesën në bazë droge (EMRA+VIDEO)
15 Nëntor, 21:49 -
Banka Qendrore e Anglisë, thirrje për afrim me Bashkimin Evropian
15 Nëntor, 08:29
