Shtatzëna nga Lekbibaj
me helikopter në Tiranë
Rrëfi mi i 33-vjeçares që erdhi nga Lekbibaj në Tiranë me helikopter. Valbona Imeraj, në muajin e 9-të të shtatzënisë është sjellë me helikopter pasditen e djeshme nga Lekbibaj i Tropojës drejt maternitetit "Koço Gliozheni". Dy muaj më parë bëri një operacion në kokë. Burrat e dy fshatrave hapën rrugën. ( ne foto Valbona Imeraj, gruaja shtatzene)
Valbona, ende i ka sytë e skuqur nga të qarat. I vjen keq për dy djemtë e saj, 6 dhe një vjeç që ka lënë në Lekbibaj dhe mezi pret ditën kur të shkojë sërish tek ta. Madje nuk e fsheh gëzimin kur i thanë se helikopteri nuk mund të vinte se ishte moti i keq. "Shyqyr thashë, do rri edhe një ditë më shumë me fëmijët e mi", - na tregon Valbona. Në një intervistë të dhënë mbrëmë për "Shqiptarja.com", ajo na rrëfen se janë mbledhur burrat e dy fshatrave për të hapur dëborën, ku do të ulej helikopteri.
Valbona, ju kishit shqetësime? Lajmëruat mjekun? Jo, në të vërtetë jo! Por mjeku i zonës, së bashku me kryetarin e komunës, duke e ditur se unë e kam për të lindur në fund të shkurtit morën në telefon dhe pyetën se si isha me shëndet. Pastaj ata na thanë se do të ishte më mirë që të vija në Tiranë dhe të prisja lindjen e fëmijës, se sa të rrija në shtëpi, pasi moti sa vinte e përkeqësohej. Duke qenë se edhe dy fëmijët e parë i kam lindur me operacion, edhe të tretin kështu do e lind.
Si u bë transporti yt? T'u desh shumë rrugë për të dalë deri te helikopteri? Jo, sepse helikopteri u ul para oborrit të shtëpisë sime.
Po a nuk kishte shumë dëborë? Si u realizua ulja? Ka shumë dëborë, po shumë. Dritaret e katit të parë të shtëpisë janë mbuluar nga dëbora, i kalon 2 metrat. Por u mblodhën burrat e dy fshatrave për të hapur një fushë ku do të ulej helikopteri. Këta të Ministrisë na thanë se duhej hapur një zonë 25 me 25 metra dhe u mblodhën dy fshatrat.
E pati të lehtë helikopteri të ulej? Jo! Në mëngjes, aty nga ora 10, na thanë se helikopteri nuk mund të nisej se ishte kohë e keqe. U gëzova: Thashë, ani, një ditë më shumë me fëmijët e mi. U nis sërish nga dreka, por prapë nuk mundi të ulej. Por pastaj pasdite, aty nga ora 5 doli dielli, u hap koha dhe helikopteri erdhi e më mori.
Po fëmijët? Më dhemb zemra për ta. I kam lënë duke qarë e duke bërtitur: Mos ik, mos ik, më thoshin....
Kur u nisët me helikopter patët ndonjë problem? Jo, kur u nisëm jo. Por në momentin që do të hipja në helikopter po. Kur helikopteri po ulej, helikat e ngritën gjithë dëborën që ishte grumbulluar rreth e rrotull dhe ne u mbuluam nga dëbora. Mua më morën burrat e fshatit në krahë, më kanë kaluar dorë më dorë dhe më hipën në helikopter. Veç se i kam lënë fëmijët duke brit nga pas (qan).
Çfarë të thanë mjekët? Mjekët do më mbajnë në spital deri sa të vijë koha për të lindur. Jemi të dy mirë. Dhimbje nuk kam.
E ke parë se çfarë është? Djalë, si dy të parët
( ne foto Valbona Imeraj, gruaja shtatzene qe flet per shqiptarja.com)*sg/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
39.9%
-
Jo
49.6%
-
Nuk e di
10.5%
Vota total: 7496
Votat totale janë unike
Lajme të tjera
-
Zjarri në Shëngjin, Ministria e Mbrojtjes: Shmanget rreziku për banesat dhe bizneset! Do të fillojë sërish ndërhyrja nga ajri
30 Korrik, 22:51
-
Zjarr në Shëngjin, reagon Pjerin Ndreu: Dy fjalë për ata që gjetën 'fajtorët', shpëtuam banorët nga flakët por jo nga shfryrja pafre e fantazisë së tërbuar
30 Korrik, 22:45
-
Gara e Kamala Harris për Shtëpinë e Bardhë, ngushtohet rrethi i emrave të përfolur për postin e nënpresidentit
30 Korrik, 22:36
-
7 arsye pse i ndjeni këmbët e rënduara dhe si ta lehtësoni gjendjen
30 Korrik, 22:21
-
Drejtori në detyrë i Shërbimit Sekret: Dështimi i masave të sigurisë për ish-Presidentin Trump 'i pajustifikueshëm'
30 Korrik, 22:15
-
Vijojnë të jenë aktive vatrat e zjarrit në Shëngjin, por me intensitet më të ulët
30 Korrik, 22:02
-
Masud Pezeshkian betohet si president i ri i Iranit
30 Korrik, 21:44
-
Dash Sula nuk përmbahet gjatë seancës plenare, hipën mbi tavolinë dhe u thërret kolegëve
30 Korrik, 21:29
-
Mero Baze: Për të qetësuar të 'egërsuarit' e sotëm të opozitës
30 Korrik, 21:18
-
Zbardhen emrat e Asamblesë së re Kombëtare të PS-së! Zgjidhet anëtare edhe Helena Kaçe, 'pasardhësja' e Ramës
30 Korrik, 21:11
-
Ksamil/ Rrezikuan të mbyteshin pasi iu këput timoni i varkës, Policia shpëton 6 persona
30 Korrik, 21:10
-
Sulmi izraelit në bastionin e Hezbollahut, humb jetën komandanti i lartë! Lëshohen raketa në veri të Izraelit
30 Korrik, 21:01