Shtëpia e Bardhë dënon një shkelje barbare të armëpushimit nga Hamasi

Shtëpia e Bardhë dënoi sot një shkelje barbare të armëpushimit nga Hamasi në Rripin e Gazës bazuar në informacionet izraelite duke shkaktuar vdekjen e dy ushtarëve dhe kapjen e një oficeri.

"Izraelitët theksuan sot në mëngjes se armëpushimi u shkel dhe se anëtarët e Hamasit kanë përdorur armëpushimin humanitar për të sulmuar ushtarët izraelitë dhe për të marrë një peng. Kjo është një shkelje barbare e marrëveshjes së armëpushimit", deklaroi zëdhënësi i Shtëpisë së Bardhë, Josh Earnest për CNN.

"Ne shpresojmë që komuniteti ndërkombëtar t'i dënojë këto akte sa më shpejt të jetë e mundur dhe të inkurajojë ato që kanë influencë mbi Hamasin dhe të sigurojë që lëvizja islamike palestineze të respektojë marrëveshjen për të cilën është angazhuar", shtoi ajo./ATSH/