POP 5

Lajmet më të lexuara të 5 minutave të fundit

Kultura

Shtëpia e Musine Kokalarit mbetet gërmadhë, trashëgimtarët ‘mbajnë peng’ kthimin e saj në muze

Shtëpia ku ka jetuar disidentja Musine Kokalari në Gjirokastër ka mbetur gërmadhë. Shumë here është premtuar si nga bashkia ashtu dhe nga Ministria e kulturës se do të kthehet në muze. Fondet janë akorduar, por punimet nuk janë realizuar për shkak se nuk bien dakord bashkëpronarët.

Shtëpia ku ka jetuar disidentja Musine Kokalari në Gjirokastër, duhet të ishte një muze, por prej 8 vitesh është lënë në degradrim të plotë. Trashëgimtarët Kokalari, që janë bashkëpronarë të kësaj shtëpie tre katëshe nuk kanë gjetur gjuhën e përbashkët për restaurimin e objektit, me fondet e akorduara nga Ministria e Kulturës. Këtë e pohon ish-drejtuesja e Trashëgimisë Kulturore në Gjirokastër, Pezana Rexha.

“Ministria e Kulturës ka përpiluar projektin dhe ka lëvruar fondin por për shkak të problematikës së zakonshme që ndodh në qytetin e Gjirokastrës me monumentet që kanë bashkëpronarë, diku ka ngecur dhe nuk janë shfrytëzuar paratë për rinovimin e banesës. Pra, një pjesë e trashëgimtarëve nuk kanë rënë dakord”, tha arkitektja Pezana Rexha që më herët ka drejtuar institucionin e monumenteve.

Rexha thekson se ky shqetësim është për shumë objekte të trashëgimisë në lagjet muzeale të Gjirokastrës.

“Problematika kryesore e monumenteve të kulturës është se sa do t’i restaurosh, nëse nuk shfrytëzohen brenda 3-4 vitesh pësojnë të njëjtën trauma. Ndaj Ministria e Kulturës po krijon mekanizma më të komplikuar që t’i motivojë qytetarët gjirokastrit që t’i shfrytëzojnë këto ambiente në funksion të turizmit”, shton Rexha.

Dy dekada më parë ishte rikonstruktruar me donacione private, por një zjarr i rënë në nëntor 2014 shkatërroi gjithçka në shtëpinë e Musine Kokalarit në lagjen “Palorto”.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29