POP 5

Lajmet më të lexuara të 5 minutave të fundit

Sociale

Shtëpia iu dogj, 11 pjesëtarë në rrugë! Gjyshja mban në këmbë familjen me të sëmurë: Të na ndihmojë dikush

Familja e Mustafa Shote në zonën “Rruga Ura” në Tiranë, ka mbetur pa strehë, që kur para 4 ditësh zjarri u shkrumboi shtëpinë, shkaqet e të cilit ende nuk dihet. Ata janë 11 pjesëtarë në kërkim të një çatie dhe ushqimit të përditshëm. I vetmi njeri në këmbë nga kjo familje, është gjyshe Sofie, e cila iu drejtua Report TV, për ndihmë. 

Rroba të djegura, kanaçe, krevate të djegura dhe një aroma e papërballueshme, tregojnë atë çfarë mbeti nga zjarri i 4 ditëve më parë në banesën e Mustafa Shotes tek Rruga Ura      

Në shtëpi jetonin 11 pjesëtarë të së njëjtës familje, burrë e grua Shota, dy djemtë e tyre të sëmurë dhe të martuar, njëri me tre fëmijë, kurse tjetri me dy .

Kur zjarri ra natën e 29 marsit, aty ndodheshin vetëm 2 fëmijë të mitur, 9 dhe 12 vjeç, kurse e zonja e shtëpisë Sofie Shote, gjyshja e të vegjëlve ndodhej në spital. Fqinjët e saj njoftuan zjarrfikëset dhe policinë. Por 9-vjecarja dhe 12-vjecari, kishin dalë vetë

Gruaja rreth të 60-ve, Sofia, tregon për Report Tv, që pas shkrumbimit të shtëpisë,  jetojnë mes 4 rrugëve. Kur vjen nata strehohen tek fqinjët apo të tek ndonjë kushëri

Familja Shote kërkon ndihmë te shteti. Nuk kanë strehë e as ushqimi, pa përmendur faktin që gjysma e pjesëtarëve janë të sëmurë. Të gjithë të ardhurat e tyre janë 30 mijë lekë në muaj.

Geraldi, nipi i Sofies, hyri në vitin e parë gjimnaz, dhe më pas e la. Nuk kishte libra, as për tu veshur. Tani rri gjithë ditë pa asnjë angazhim, sepse në punë nuk e afrojnë për shkak të moshës së vogël. Geraldi qan kur mendon për motrën. Ai do për të, të ndjekë studimet. 

Geraldi 16 vjeç, me baba dhe nënë të sëmurë, vëlla i një motre, vetëm gjyshen që interesohet për të, ka një kërkesë: "Ajo që dua unë është të na ndihmojnë të kemi një shtëpi”

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Turpërimi në Superkupë, Pique dhe Iniesta provokojnë Realin me 'manita'! Ancelotti: Në finale s'luajtëm futboll

Turpërimi në Superkupë, Pique dhe Iniesta provokojnë Realin me 'manita'! Ancelotti: Në finale s'luajtëm futboll

13 Janar, 12:39