Shtëpia shqiptare e teknologjisë dhe informacionit, 1087 të rinj të regjistruar që prej shkurtit (VIDEO)

Kryeministri Edi Rama ka bërë një ftesë për të gjithë të rinjtë për tu regjistruar në shtëpinë shqiptare të teknologjisë dhe informacionit.

“Me këtë ftesë për të gjithë të rinjtë e të rejat që të përfitojnë nga TechSpace, shtëpia shqiptare e teknologjisë dhe informacionit për idetë e projektet e tyre, ju uroj një javë të mbarë”, shprehet Rama.

TechSpace, shtëpia më e madhe e inovacionit në Shqipëri, mbledh së bashku startup-e dhe studentë e të rinj të fushës së Teknologjisë së Informacionit dhe Komunikimit.

Kjo hapësirë ofron trajnime nga ekspertët më të mirë edhe ata të Microsoft, me hapësira të dedikuara për mentorime, kënde të posaçme për startup-e dhe ku bashkëveprimi mes të rinjve është pjesë thelbësore e veprimtarisë.

TechSpace frekuentohet çdo ditë nga mbi 100 të rinj dhe dyert janë të hapura për shumë të tjerë. “Kemi ambientet më bashkëkohore dhe stimuluese për të gjitha ata që kanë dëshirë dhe ambicie për të zhvilluar inovacionin në Shqipëri”, shprehet znj. Mirlinda Karçanaj, drejtoresha e AKSHI-t, institucionit menaxhues të shtëpisë së teknologjisë TechSpace.

Studentët e universiteteve të fushës, por edhe të gjithë nxënësit e shkollave profesionale të lidhur me teknologjinë, e kanë vendin e tyre dhe hapësirat e nevojshme për t’u përballur idetë, sfidat dhe aftësitë mes tyre.

Agjencia Kombëtare e Shoqërisë së Informacionit informon se pak muaj na ndajnë nga shpallja e 10 projekteve më të mira që lindin nga TechSpace, të cilët do të shkojnë në Silicon Valley, të Kalifornisë në SHBA, një destinacion fantastik për të gjithë profesionistët e teknologjisë.

G.M.//Shqiptarja.com

TAG:
• edi rama
• teknologji
• techepsace