Hashim Thaçi e shkarkoi Alma Lamën nga posti i ambasadores dy vjet pasi e kishte emëruar. Ministria e Punëve të Jashtme ka thënë ajo u shkarkua pasi e ka paraqitur Kosovën si vend islamik. Lama si kundërpërgjgije ndaj kësaj, ka publikuar një intervistë në italisht, ku ajo ka treguar se Kosova është shtet sekular dhe e ka luftuar ekstremizmin fetar, dhe nuk është fetar. Në një postim në Facebook ajo shton se "shpifjeve të orëve të vona të natës iu përgjigjem me këtë intervistë të disa muajve më parë. Arsyetimin zyrtar ende po e pres".
“Mendoj që paraqitja e imazhit të Kosovës si vend i radikalizuar, si e prezantojnë disa medie joprofesionale ose siç e paraqet propaganda e Beogradit, është e dëmshme dhe larg nga e vërteta”, thoshte Lama në një intervistë të saj në qershor të këtij viti. Ajo ka thënë se Kosova është vend sekular, e jo islamik, në pyetjet e gazetarit që i drejtohej Kosovës si shtet islamik në zemër të Evropës. (Intervista në italisht)
“Fillimisht, Kosova nuk është shtet islamik, por një shtet sekular në të cilin respektohet liria e feve si në cdo shtet tjetër demokratik. Kosova ka kushtetutën më moderne në Evropë kur bëhet fjalë për lirinë dhe të drejtat e njeriut dhe për kujdesin ndaj minoriteteve. Shumica e popullsisë i takojnë një islami modern, por si shtetet e tjera evropiane, edhe Kosova është sekulare. Secili etiketim si ‘shtet islamik’ është gabim”, kishte shtuar tutje ambasadorja e shkarkuar e Kosovës në Itali.
Lama në këtë intervistë ishte pyetur për ekstremizmin fetar në Kosovë. Në përgjigjen e saj, ajo pranon se ky fenomen është prezent në vend. Por thotë se ky është si rezultat i vendit që ka dalë jo shumë moti nga lufta. “Ky është një fenomen i pasluftës kur organizatat e ashtuquajtura humanitare hynë në Kosovë dhe disa prej tyre kishin agjenda religjioze. Është e rëndësishme të theksohet se ka reaguar fuqishëm ndaj eksponentëve të rrezikshme. Disa janë arrestuar”, kishte thënë Lamaj.
Ndërsa Lama ka mohuar që në Kosovë të ketë pasur qendra të trajnimit të xhihadistëve, duke thënë vetëm se ka pasur disa individë që kanë shkuar në Siri në fillim të luftës atje. Ndërkaq, mediat kanë publikuar dje një artikull lidhur me emërimin e Lamës ambasadore, dy vjet më parë. Ajo u akuzua nga opozita se kishte dhënë votën për zgjedhjen e Thaçit president në këmbim të postit të ambasadores në Romë.
Pasi ishte zgjedhur Thaçi president, në shkurt të 2016-ës, ish deputetja e LDK-së disa muaj më vonë ishte akomoduar në Romë ku filloi detyrën e re si ambasadore. Të martën Presidenca njoftoi se Thaçi ka nënshkruar dekretin për shkarkimin e Lamës. Në vend të saj ambasadore në Itali do jetë Bukurie Gjonabalaj, e cila edhe më parë kishte shërbyer të këtë shtet si ambasadore. /Express/
Lajme të tjera
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
U vra me thikë 2 ditë më parë, zbulohet identetiti i shqiptarit në Itali dhe 2 pistat e hetimit mbi ngjarjen
27 Nëntor, 18:48 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Xhenova/ Nuk pranonte të ndahej, shqiptari dhunon barbarisht të dashurën italiane dhe i thyen hundën! Policia e arreston 35-vjeçarin
27 Nëntor, 16:26 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Goditen dy grupe ‘skifterësh’ në Padova dhe Modena, 4 shqiptarë të arrestuar! Akuzohen për të paktën 20 vjedhje në seri, dy kishin prerë bileta avioni për arratisje
26 Nëntor, 16:53 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30
