POP 5

Lajmet më të lexuara të 5 minutave të fundit

Ekonomi

Shtrenjtohen me mbi 11% çmimet e apartamenteve në vend! Banka e Shqipërisë: 60% e banesave janë blerë me kredi

Çmimet e apartamenteve sipas Bankës së Shqipërisë në 2020 u shtrenjtuan me mbi 11% krahasuar me 2019 ndërsa krahasuar me vitin 2013 çmimet e tyre gati janë dyfishuar. Sipas të njëjtin vëzhgim 60 përqind e pronave për shkak të çmimeve të larta janë blere me kredi

Pavarësisht goditjes që mori ekonomia e vendit nga pandemia COVID-19,  e cila shkaktoi rënie të ardhurave si për buxhetin e shtetit ashtu edhe për familjet shqiptar, çmimet e apartamenteve vijojnë të rriten me ritme të shpejta. Sipas të dhënave të Bankës së Shqipërisë në vitin 2020 çmimet e shtëpive u rritën  mbi 11% krahasuar me vitin 2019.

Shtrenjtimi i banesave është më i dukshëm nga viti 2013 deri më tani, ku banka raporton se rritja është me 48.6%, duke e bërë thuajse të pamundur blerjen e një prone pa kredi. Rreth 60% e pronave për banim dhe e atyre për përdorim tregtar të shitura janë blerë me hua bankare. Rritja e çmimeve nuk është prezente vetëm në kryeqytet, por edhe në zonat bregdetare vlera e pronave ishte dyfish më e lartë se në 2019.

“Për zonat bregdetare, çmimet e pronave të shitura gjatë gjysmës së dytë të vitit ishin rreth dy herë më të larta në krahasim me çmimet e pronave të shitura gjatë gjashtëmujorit të parë të vitit, ndërsa çmimet në zonat e tjera2 shfaqën ndryshime thuajse të papërfillshme”, thuhet në vrojtim.

Çmimet e larta duket se kanë ndikuar edhe tek ulja e shitjeve me rreth 39%, ndërsa apartamentet janë blerë më shumë nga shtetas që nuk jetojnë në Shqipëri. Sipas vrojtimit 18% e subjekteve të pyetura presin që çmimet do të vijojnë të rriten.

Shkak për këtë shtrenjtim sipas ekspertëve është mungesa e pronave pranë qendrës dhe ato që kanë mbetur janë të kushtueshme, është rritur cilësia e ndërtimeve. Ndikim kanë edhe taksat e pushtetit vendor por edhe zgjatja në kohë e marrjes së lejes së ndërtimit. Zonat më të kushtueshme të Tiranës mbeten ish-blloku, unaza dhe pjesa e qendrës, ku  1 metër katror kapërcen në 3300 euro.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14