POP 5

Lajmet më të lexuara të 5 minutave të fundit

Sociale

Shtrenjtohet qiraja në Tiranë, studentët e rinj mes stresit të akomodimit! 37 konvikte janë gati, më 4 shtator nis regjistrimi

Më 2 tetor nis viti i ri akademik 2023-2024 dhe përveç emocioneve, ata përballen me stresin e ndërtimit të një jete të re. Materiali në vijim na njeh me shqetësimet e një studenti të ri, nga gjetja e një shtëpie me qira te përshtatja me shoqërinë e re. Ndërkohë, një mundësi akomodimi me më pak shpenzime janë konviktet, regjistrimet për të cilat nisin nga 4 shtatori.

Një eksperiencë e paprovuar kurrë më parë si jeta studentore pritet me emocione të ndryshme nga të rinjtë që do të nisin studimet e larta.

“Pak stresuese, por do ambientohemi, do të mësohemi, shoqëri e re...”, thotë një studente.

“Nuk e kam problem se jam tip i afrueshëm vetë“, thotë një tjetër student.

Një pjesë e mirë e studentëve, do të akomodohen në konvikte.

“Do regjistrohem në konvikt. Më duket një zgjidhje më e mirë. E kam dhe afër shkollës”.

37 konvikte në kryeqytet janë gati për të pritur studentët e universiteteve të Tiranës dhe regjistrimet nisin të hënën e 4 shtatorit fizikisht ose nëpërmjet platformës online në faqen [email protected].

Ndërsa për rezidencat studentore të inxhinierisë aplikimi bëhet fizikisht, jo online.

Anila Shehu drejtoresha e konvikteve ne Qytetin Studenti tregon më shumë rreth kushteve të godinave studentore dhe kritereve të regjistrimit.

“Qyteti Studenti ka në dispozicion të studentëve, 8 konvikte në total që janë të ndara 4 te inxhinieria e ndërtimit, 4 tek Mjekësia dhe 7 konvikte për studentët që do të ndjekin studimet në Universitetin Bujqësor. Mjafton të jesh student , ti hyn në një aplikacion online të cilin ne e kemi shpallur. Studenti për 2 minuta mund të zgjedh konviktin e dëshiruar , dhomën e dëshiruar he grupin shoqëror me të cilin do ta ndaj këtë dhomë. Në përfundim të këtij procesi ka një afat kohor prej disa ditësh të kryej tarifën e përcaktuar prej 55 mijë lekësh të vjetra në muaj. Pagesa është mujore, por studenti mund të zgjedh ta paguaj me këste. Kjo është një sallë me kompjutera e pajisur me wifi falas ku çdo student është i lirë të navigojë në internet. Kjo është një dhomë tipike e cila është për dy persona të cilët ndajnë dhomën me njëri- tjetrin”, tha Shehu.

Për të gjitha ata që kërkojnë kushte më të mira akomodimi, një zgjidhje është marrja e një banese me qira, pavarësisht se çmimet janë shumë të larta.

“Në kërkim të një shtëpie me qira jam. Çmimet i kam parë. Nuk janë shumë të lira”, tha studenti Xhorxho Neviri.

Ky student nga Lezha edhe pse me një distancë të konsiderueshme nga Tirana po mendon që për ndjekjen e universitetit në Tiranë, ta bëjë rrugën çdo ditë vajtje-ardhje për t’u mos shkëputur nga familja.

“Nga Lezha në Tiranë 250 lekë kushton bileta. Më mirë të jetoj afër familjes sesa të jetoj vetëm.”

Sipas agjencive imobilare, qiraja mujore e një shtëpie në periferi të Tiranës i kalon 350 euro, ndërsa brenda unazës variojnë deri në 1 mijë euro në muaj.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 04/09/2023 00:59

    Kur isha studente nje shoqja ime nga Durresi shkonte e vinte cdo dite me tren per te ndjekur leksionet.Sigurisht Durresi nuk eshte aq larg sa Lezha dhe kostoja e udhetimit ne vitet 90' nuk ishte sa tani,po keshtu dhe qirate e kostoja e jeteses ne pergjithesi.

    Përgjigju
  • Mimi: 03/09/2023 18:55

    Po me.mire e.me.lire ne konvikt, del me shoke e shoqe, merr leksionet, cmimet me lire, luani 5-katesh. Ca lesh shpia me qira..

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 16- vjeçarja vetplagoset me armë zjarri, ende nuk dihet shkaku

Fier/ 16- vjeçarja vetplagoset me armë zjarri, ende nuk dihet shkaku

4 Nëntor, 18:59