Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore

Me zbehjen e pandemisë COVID-19, sëmundje të tjera u bënë shkak që gjatë vitit 2022, në spitale të kërkojnë ndihmë 8% më shumë pacientë se sa në vitin 2021. Sipas të dhënave të raportit të monitorimit të Ministrisë së Shëndetësisë dhe Mbrojtjes Sociale për vitin 2022 në total numri i të shtruarve në spitale ishte 277,881 pacientë nga  257,829  që ishin në 2021. Shqetësues është fakti se problemet më të mëdha që i dërgojnë shqiptarët deri në spitale janë zemra dhe shëndeti mendor. Në shërbimet e kardiologji/kardiokirurgji numri i të shtruarve është rritur 23% krahasuar me 2021.

Megjithatë, krahasuar me para pandemisë shifrat e shtrimeve në spitale për 2022 mbeten 10.5% më të ulëta se sa në viti 2019. Ndërsa trajtimi i pacientëve në spitalet psikiatrike u rrit me 17,5%, dhe trendi rritës për këtë shërbim sipas bluzave të bardha lidhet edhe me shtimin e përdorimit të lëndëve narkotike. Në raport vihet re që gjatë 2022 gjithashtu ka pësuar rritje edhe shtimi i depistimit ndaj kancerit të gjirit. Për 2022 numri i kontrolleve u rrit 43% në raport me një vit më parë. Ndërsa trajtimi me radioterapi për sëmundjet tumorale është shtuar 8,5% krahasuar me vjet.

Sakaq rastet e trajtuara nga njësitë e urgjencës mjekësore në 2022 ranë 81% krahasuar me periudhën paraardhëse, ndërsa shërbimi i personave që përfitojnë Check Up u shtua 1,7 herë më shumë.

NUMRI I PACIENTËVE PËRFITUES NË SPITALE              PERIUDHA
Numri i të shtruarve në spitale                                             2021-257,829              2022-277,881   
Pacientë të trajtuar me dializë                                              2021-90,453              2022-193,878   
Pacientët e trajtuar në spitalet psikiatrike                             2021-,269                2022-1,492   
Pacientët e trajtuar në kardiologji dhe kardiokirurgji             2021-7,756      2022-9,365   
Paciente të trajtuar nga paketat e transplanteve renale        2021-23            2022-13
Pacientë të trajtuar me katarakte                                          2021-3,018               2022-3,790   
Pacientë të trajtuar me radioterapi                                        2021-22,961           2022-24,933   
Fëmijë të vaksinuar 0-18 muajsh                                          2021-182,887           2022-240,000
Raste të trajtuara nga njësitë e urgjencës mjekësore           2021-625,107  2022-119,728   
Personat që përfituan Check Up                                           2021-164,892            2022-454,892

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD