POP 5

Lajmet më të lexuara të 5 minutave të fundit

Kronikë

Shtyhet seanca për TEC-et lundruese në Triport të Vlorës, kërkohet anulimi i lejeve dhe licencës për prodhim energjie

Gjykata Administrative e Shkallës së Parë shtyu seancë për TEC-et lundruese të ankoruara në Triport të Vlorës që prej vitit 2022 dhe që ende sot nuk janë vënë në punë duke mos prodhuar asnjë megavat energji.

Shtyhet seanca për TEC-et lundruese në Triport të Vlorës, kërkohet anulimi i lejeve dhe licencës për prodhim energjie

TEC-et lundruese

Gjykata Administrative e Shkallës së Parë shtyu seancë për TEC-et lundruese të ankoruara në Triport të Vlorës që prej vitit 2022 dhe që ende sot nuk janë vënë në punë duke mos prodhuar asnjë megavat energji.

Palët e paditura janë: Ministria e Turizmit dhe Mjedisit,  KESH, ERE, Agjencia Kombëtare e Mjedisit dhe Këshilli i Basenit Ujor Vjosë.

Përfaqësuesit e tyre të mbrojtjes nuk ishin të pranishëm, ndërsa disa organizata mjedisore dhe banorë të zonës si palë paditëse, kanë kërkuar pezullimin e lejeve të dhëna si dhe anulimin e licencës për prodhimin e energjisë nga dy TEC-et lundruese. Kjo, sepse sipas tyre Shqipëria aktualisht nuk është e përfshirë nga kriza energjetike, ndryshe nga periudha kur TEC-et u miratuan me qëllim daljen nga kriza.

Trupi gjykues i la 10 ditë afat të paditurve për pranimin e kërkesave. Pala paditëse gjithashtu kërkoi në seancë edhe kontratën e plotë të nënshkruar mes shtetit shqiptar dhe kompanisë EXCELERATE ENERGY, me qëllim shtimin e kësaj të fundit si palë e paditur, pasi konsiderohet prej tyre një kompani offshore e cila do të përfitojë miliona euro nga taksapaguesit shqiptarë.

Edhe pse ka kaluar më shumë se një vit, që kur dy termocentralet lundruese mbërritën në portin e Vlorës, ende nuk kanë nisur nga puna, edhe pse ERE ka licencuar KESH për të nisur prodhimin e energjisë tek 'Tigri 1' dhe 'Tigri 3'.

Kostoja për një megavat të prodhuar nga këto TEC-e përllogaritet mesatarisht 150-170 euro, por që mund të ndryshojë në varësi të çmimit të lëndës djegëse. Kjo vlerë është trefish më e lartë se çmimet aktuale të energjisë në bursë, që arrijnë deri në 50-60 euro/megavat.  Dy platformat lundruese nëse vihen në punë do të prodhojnë 110 megavat orë energji elektrike, dhe të mbulohen 15% e nevojave të konsumit vendas.

Marrëveshja 2-vjeçare me kompanitë Exelerate Energy dhe Renco është nënshkruar me mbështetje të Shteteve të Bashkuara të Amerikës. Qiraja ditore për këto anije është 63 mijë dollarë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 30/01/2024 01:45

    Dhe cdo dite shtyrjeje po kushton nje tjeter 63 mije $/dite pagese, pa prodhuar asgje! Pervec ketij per lejet e licensat,duhet nje gjyq i dyte per ata zyrtare qe po lejojne nje shperdorim te tille te buxhetit te shtetit prej dy vjetesh.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

25 Dhjetor, 16:43