Michael Bond, vdiq të mërkurën në moshën 91-vjeçare, pas një sëmundjeje të shkurtër, ka njoftuar shtëpia e tij botuese, “HarperCollins”.
“Me trishtim të madh njoftojmë se Michael Bond, krijuesi i një prej personazheve të preferuara të fëmijëve britanikë, Paddington, vdiq sot në shtëpinë e tij, në moshën 91-vjeçare, pas një sëmundjeje të rëndë”, shkruhej në komunikatën e shtëpisë botuese.
Bond i lindur në vitin 1926 dhe ka shkruar rreth 11 libra për aventurat e ariut Paddington, libra të cilët janë përkthyer në më shumë se 30 gjuhë dhe kanë kapur tirazhin e mbi 30 mln kopjeve të shitura në gjithë botën.
Shkrimtari Bond ka punuar si kameraman në median britanike BBC, e cila në vitet 70 realizoi një serial të animuar me personazhin Paddington që pati një sukses të madh, para se aventurat e ariut të vogël me pallto blu dhe kapele të kuqe të pushtonin në kinematë në vitin 2014.
Redaksia Online
Er.K/Shqiptarja.com