POP 5

Lajmet më të lexuara të 5 minutave të fundit

Shuhet Vitorja, akrobatja që dashuroi Skënder Sallaku, e bija: Iku me një qetësi hyjnore edhe në betejën e fundit, që fatkeqësisht s’e fitoi dot

Është ndarë nga jeta në moshën 80-vjeçare artistja Vitore Sallaku, një nga themelueset e Cirkut të Tiranës. Bashkëshorte e humoristit Skënder Sallaku, e mbi 35 vite si aktrobate e autore e disa librave, “Mjeshtrja e madhe” përcillet për në banesën e fundit në Tufinë me dashurinë e të afërmve e mirënjohjen e vendit  për kontributin që la pas.

8 vite pas ndarjes nga jeta të bashkëshortit, Skënder Sallakut, Vitorja i bashkohet dashurisë së madhe të jetës së saj në të përtejmen botë. Largohet në heshtje e me dinjitet në moshën 80-vjeçare “Artistja e merituar” e “Mjeshtrja e madhe” e ish-Cirkut të Tiranës...  E bija Denisa, shkruan se iku në paqe e lë pas një thesar me dashuri në familje, e një trashëgimi të pasur artistike...

“Modeste e zemërmadhe, me kulturë e një edukatq mbresëlënëse, ka qene themeli i fuqishëm i familjes tonë, duke na drejtuar e mbështetur e gjithmonë e buzëqeshur. Nëna jone e dashur çdo hap apo arritje të jetës se saj e ka arritur me vullnet e këmbëngulje, të shoqëruar jo vetëm me një forcë të jashtëzakonshme të brendshme, por edhe me një qetësi hyjnore që e karakterizonte. Të njëjtën gjë ajo bëri me betejën e saj te fundit, të cilën fatkeqësisht nuk e fitoi dot.”, thotë Denisa, e bija.

Ndërsa ministrja e Kulturës Elva Margariti, në këtë periudhë sprovuese për Cirkun shqiptar, kujton kontributin 35-vjeçar të artistes, si një nga themelueset e tij...

“Akrobatja Vitore Sallaku ka lënë pas kaq shumë kujtime të bukura dhe u ka falur kaq shumë gëzim njerëzve, saqë largimi do të jetë vetëm fizik! Ajo ishte dhe do të mbetet një shkollë për brezat e rinj!”

Një histori sfiduese jeta e Vitores, me pushkatimin e të atit në diktaturë. E specializuar në Kinë e Bashkimin Sovjetik Sallaku dha shembullin e një akrobateje “par excellence”. Ndërsa la pas edhe disa libra me autorësinë e saj, mes të cilëve edhe një monografi dedikuar bashkëshortit të saj, Skënderit. Me dashurinë e të afërmve e mirënjohjen e vendit për të cilin punoi Vitorja u përcoll sot për në banesën e fundit në Tufinë…

E.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

13 Janar, 18:55