Shuhet Scalfaro, Topi mesazh
ngushëllimi homologut italian

TIRANË - Presidenti i republikës Bamir Topi në mesazhin e tij shpreh vlerësime të larta për ish presidentin italian, Scalfaro, i cili u nda nga jeta dy ditë më parë.
”Në këto momente, ne ndajmë me ju jo vetëm dhimbjen e humbjes, por edhe vlerësimin tonë më të lartë për zotin Skalfaro, gjatë mandatit të tij si President, për përvojën e pasur e aktivitetin e tij të gjithanshëm politik, ndikimin historik që ai ka pasur në politikën italiane, si dhe për personalitetin e tij të veçantë në jetën shoqërore të Italisë. Duke dalë në pah me aftësitë e tij politike dhe morale si burrë shteti në momentet më të vështira në Itali, zoti Skalfaro ka lënë gjurmë të thella jo vetëm në vendin e tij, por edhe në jetën politike evropiane. Ai ka qenë dhe një mik i madh i shqiptarëve”, shkruan Topi në mesazhin e tij, drejtuar homologut italian Napolitano.

(aq/shqiptarja.com)