LEZHË- Një aksident ka ndodhur pasditen e sotme në vendin e quajtur 'Kryqëzimi i Tales' ku një kamionçinë e cila drejtohej nga një 51-vjeçar me iniciale M.Gj, banues në Kurbin është përplasur një automjet tip 'Audi' që drejtohet nga 48-vjeçari me iniciale L.Ç.
Për pasojë kanë mbetur të plagosur 3 persona, mes të cilëve edhe D.Gj. 18 vjeçe e cila ka qenë duke kaluar rrugën në momentin e aksidentit. Ajo është dërguar në spitalin e Traumës në Tiranë për një ndihmë më të specializuar mjekësore.
Të plagosur kanë mbetur edhe pasagjerët e Audit B.M. 30 vjeç dhe F.Z. 50 vjeç, banuesë në Shkoder, të cilët pasi kanë marrë ndihmën mjekësore në Spitalin Rajonal Lezhë janë larguar.
![](https://shqiptarja.com/template/img/NO_ALFA_Kuadrate shqiptarja.png)
Policia njofton se grupi hetimor vazhdon veprimet në vendngjarje për zbardhjen e plotë të shkaqeve të aksidentit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)