TIRANE- Një film shqiptar me protagonizmin e Dhimitër Anagnostit ishte projektuar për të shkuar në festivalin prestigjioz të Kanës në Francë vitet ‘80, por, në Shqipërinë e diktaturës, kjo s’mund të lejohej. Dhimitër Anagnosti, ikona e kinematografisë shqiptare sot ka 80-vjetorin e lindjes.

Kameramani i njohur i ish Kinostudios “Shqipëria e re” Ilia Tërpini e ka njohur regjisorin Anagnosti që kur ai ishte një djalosh në moshën 23-24 vjeçare, në filmin “Debatik” me regji të Hysen Hakani dhe Gëzim Erebara. Ilia Tërpini ishte asistent operator i Dhimitër Anagnostit.