Revanshi kundër Ramës, kur ai ishte ministër kulture është evidentuar nga autori i librit “Ramafobia”, P.Meçani me fakte nga gazetat. “Artistë e kanë dënuar me vdekje”, paralajmëron Ilir Bezhani, regjisor.

Artistët do të bëjnë të mos votohet, kërcen përpjetë Alush Shima, piktor. “Dënim me vdekje”. Në këtë mënyrë, autori rrëfen sesi manifestohej revanshi kundër Ramës që nga kupola më e lartë politike drejt atyre vartëse. Debati po bëhej gjithnjë e më ekstrem në çdo aspekt.

"Është e dyshueshme nëse Ilir Bezhani ishte në atë kohë autoriteti i duhur, qoftë nga radhët e artistëve apo nga radhët e politikës për të kërcënuar apo paralajmëruar Edi Ramën për pasojat e politikave të ndjekur të tij në kulturë.

Ndërsa për reagimin e piktorit ALush Shima kundër Ramës, Pëllumb Meçani shprehet: “jo vetëm Bezhani dhe Alush Shima, por gjithë ata që kundërshtonin reformat e Edi Ramës në kulturë dhe që për rrjedhojë i ishin bashkuar fushatës së Berishës ishin për mbretërimin e vazhdimësisë që vinte nga ’90-a në kulturë.

Analiza dhe faktet e mëtejshme përshkruajnë sesi lufta që kishin ndërmarrë ndaj Edi Ramës do të kishte një bilanc shkatërrues; dhe PD-ja dhe ata që ishin hipnotizuar dhe kishin interesa ekonomike apo politike po merrnin pjesë në një krim ndaj dinjitetit njerëzor në radhë të parë.