TIRANË - Ish-ministri Spiro Ksera, i vetëm në qelinë e paraburgimit të Drejtorisë së Tiranës. Teksa është shoqëruar orët e para të mëngjesit të djeshëm në Policinë e Tiranës, ish-ministri ka dorëzuar të gjitha sendet e ndaluara, të cilat përbëjnë edhe rrezik për jetën për një të arrestuar. Mësohet se Ksera nuk e ka pasur privilegjin të qëndrojë “në qeli VIP” të Policisë, ndërsa ka qëndruar në një qeli paraburgimi të zakonshme.

Por cilat kanë qenë kërkesat e ish ministrit? Fillimisht, burimet thanë që kërkesa e parë e bërë nga Ksera, ishte kërkesa për të biseduar me avokatin e tij mbrojtës.