Si 'La Madrina'/ Arrestohet shpërndarësja e heroinës dhe kokainës në Tiranë, në pranga vëllai i saj dhe dy blerës

Si 'La Madrina'/ Arrestohet shpërndarësja e heroinës dhe kokainës në Tiranë, në pranga vëllai i saj dhe dy blerës

Katër persona mes tyre një grua kanë rënë në prangat e policisë së Tiranës pasi janë kapur me kokainë e heroinë të cilën e shpërndanin në kryeqytet.

Policia bën me dije se në kuadër të operacionit të koduar 'Perimetri' janë arrestuar 36-vjeçarja B.N së bashku me vëllanë e saj M.F 20-vjeç si dhe M.B 22 vjeç, e  E.B 40 vjeç.

Gruaja e arrestuar B.N së bashku me vëllanë e saj M.F heroinën dhe kokainën e shisnin tek dy të arrestuarit e tjerë që ranë në pranga  M.B dhe E.B.

Pas kontrolleve të ushtruara nga policia personave të mësipërm policia u ka gjetur sasi të konsiderueshme droge të fortë dhe mjete që i përdornin në shpërndarjen e tyre.  Konkretisht: 27 doza me heroinë, 5 doza me kokainë, një automjet, një motor, një dorezë hekuri si dhe 6 telefona celularë.

Të arrestuarit B. N., M. F., M. B., E. B. do të përballen me akuzën e prodhimit dhe shitjes se lëndëve narkotike ndërsa M.F do të përballet edhe me akuzën e mbajtjes pa leje të armëve të ftohta.
 

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin