Instagrami po kthehet në një mollë sherri për të rinjtë, që sapo shohin ndonjë reagim tek të afërmit e tyre, nuk tolerojnë dhe i futen debateve. Përleshja më e fundit me brisqe dhe thika ka ndodhur në zonën e Babrrusë raporton jo zyrtarisht policia për gazetën Si. Dhe pasi të dëmtuarit janë dërguar në spital për mjekim, agjentët janë befasuar kur secili nga të rinjtë tregoi se një fishkëllimë hap plagët e vjetra dhe nxjerr në shesh inatet e shkaktuara nga instagrami. “Është bërë njoftim në sallën operative nga shtetasit se në vendin e quajtur Babrru kishte një konflikt dhe se gjatë këtij konflikti kishte dhe persona të lënduar, të cilët pas njoftimit në vendin e ngjarjes ka shkuar ambulanca dh më pas personat e dëmtuar janë dërguar në spitalin e traumës”, shkruan në raportin e ngjarjes oficeri i sallës operative.
Ngjarja ka ndodhur në rrugën Demokracia, në trotuarin përballë një laboratori analizash. nga marrja në pyetje e të dëmtuarve në spital ata rrëfejnë se grindja në instagram i kishte sjellë të gjitha.
F.L. i moshës 17 vjeç, nxënës në vitin e dytë në një shkollë te mesme tregon se së bashku me shokun e tij B.H po shkonin për kafe. Në këtë kohë kanë parë E.H. i cili ju ka fishkëllyer duke ju bërë shenjë të ndalonin. Të rinjtë ishin me biçikletë dhe inati i këtij të fundit nuk kishte rënë, pas sharjeve dhe ofendimeve në instagram. “Kur u afruam për tu sqaruar , ai tha mos u afroni se do ju … robt, në këtë moment E. nxori nga xhepi një send duke goditur në krah.
Më pas shkoi dhe goditi dhe shokun. Kur ai iku me shpejtësi njoftova policinë”, rrëfen i dëmtuari. Kur oficeri e pyet a e njihte agresorin ai shpjegon “e njoh prej shtatë vitesh, ky person jeton në Greqi me prindërit. Mes nesh ndodhi një keqkuptim dhe sherr në instagram, dhe për këtë shkak ndodhi sulmi”.
Mes shumë personave të pyetur si dëshmitarë, përshkruhet edhe deklarata e të riut, edhe ai i moshës 17 vjeç. I dyshuar për plagosjen e dy bashkëmoshatarëve të tij ai tregon se ishte i nevrikosur dhe se pala tjetër e provokoi.
“Isha kthyer një ditë më parë nga Greqia, njërin nga këta persona e njoh pasi e kam patur shok klase”, e nis mbrojtjen 17 vjeçari E.H. “Shkëmbyem debate në instagram me F. pasi më thoshte se kisha hedhur fjalë në rrjetin e tij instagram dhe këtu filluam të shaheshim. Pasi u ktheva nga Greqia po dilja nga berberi kur këta të dy më thirrën dhe më urdhëruan të ndaloja. Më qëlluan me grusht, u mundova të shkëputem, por ata më goditën prapë. Në këtë moment u nxeha, nuk u kontrollova dot dhe nxora një brisk dhe i qëllova. Pa e ditur ç’po bëja e lëviza majtas djathtas, u ndjeva i tronditur dhe s’di si e bëra atë veprim”, shton i riu. Por policia i ka kërkuar E.H se ku e kishte hedhur më pas mjetin prerës dhe ai deklaron “e flaka në lumë, isha duke vrapuar dhe diku e hodha, erdhi çdo gjë nga instagrami”, e mbyll deklaratën në polici adoleshenti./ Gazeta Si
Komente
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Eduard Zaloshnja: 87% këtu duan të bllokohen TikTok dhe Snapchat, ndërkohë Australia po i bllokon për adoleshentët
22 Nëntor, 12:40
Plera 17 vjecar shkojn pijn kafe, mbajn thika etj, plena nën mosh. Duhen gjobit dhe ata palaço qe u shesin kafe
Përgjigju