Lodhja mund të mos jetë një çështje mjekësore, megjithatë ajo ka ndikim në jetën tonë. Ajo ndikon negativisht në punë, familje dhe marrëdhëniet shoqërore. Shkaqet e lodhjes mund të jenë psikologjike dhe fizike.
Lodhja për shkaqe fizike zakonisht nxitet nga prania e sëmundjeve si anemia, diabeti apo tumoret. Lodhja për shkaqe psikologjike nxitet nga stresi, mungesa e gjumit, ankthi, depresioni. Për fat të mirë lodhja mund të largohet falë disa ndryshimeve në stilin e jetesës.
Kurat Kundër Lodhjes
Qumështi I Ngrohtë
Një gotë me qumësht të ngrohtë gjatë ditës mund t’i japë freski trupit dhe trurit. Gotën me qumësht mund ta pini edhe në mbrëmje për një gjumë të qetë. Në të mund të shtoni edhe një majë luge me kanellë pluhur. Kjo e fundit ndihmon edhe për të mbajtur nën kontroll tensionin e gjakut dhe për të çliruar stresin mendor.
Hurmat E Arabisë
Duke ngrënë tre ose kater hurma Arabie të shoqëruara me qumësht të ngrohtë, do t’i jepni trupit energjinë e munguar. Hurmat e Arabisë janë shumë të mira për të plotësuar nevojat e trupit për disa ushqyes. Për më tepër ato janë ideale për të larguar dhimbjen.
Aktiviteti Fizik
Ecja dhe ushtrimet janë të rekomandueshme për të trajtuar dhe larguar lodhjen dhe drobitjen. Nëpërmjet aktivitetit fizik sado të vogël, ju mund të riktheni energjinë e munguar. Të dhënat tregojnë se 60% e njerëzve ndihen më energjikë pas stërvitjes ose aktivitetit fizik.
Trajtime Të Tjera Kundër Lodhjes
Sipas të dhënave të AgroWeb.org, duhet të keni parasysh edhe rekomandimet e mëposhtme.
Hani Shëndetshëm
Studimet, të cilave u referohet AgroWeb.org, kanë treguar se acidet yndyrore Omega-3 përmirësojnë funksionet e trurit, humorin dhe janë thelbësorë kundër plogështisë së mesditës.
Energjia Do Ushqim
Nëse dëshironi të përmirësoni energjinë tuaj çdo ditë, zëvëndësoni proteinat shtazore me ato bimore. Proteinat bimore janë të dobishme për bakteret e mira në aparatin tretës dhe forcojnë imunitetin. Ato kanë aftësinë të përmirësojnë humorin. Agroweb.org do t’ju rrëfejë menunë e një dite ideale pa lodhje.
Mëngjesi
Një lëng me fruta pylli. Përzieni në mikser gjysmë gote me fruta pylli, avokado dhe dhe një gotë qumësht soje. Ky lëng do t’ju plotësojë nevojën për fibër dhe proteina dhe do të mbajë nivelet e sheqerit në gjak të qëndrueshme deri në drekë.
Dreka rreth orës 12.00-13.00
Supë me thjerëza dhe sallatë jeshile. Thjerëzat dhe sallata jeshile janë një kombinim fantastik që ofron proteina, fibër, hekur, kalium, zink, folat dhe shumë të tjera.
Pasditja
Fruta dhe arrorë. Kjo dyshe fantastike përbën ekuilibrin e duhur të karbohidrateve, proteinave dhe yndyrnave që do ju japin fuqi deri pasdite.
Darka së paku 2 orë para gjumit
Perime. Kombinoni pak fasule, sallatën jeshile, domatet, avokadon në një pite të hollë misri. Ky është një vakt i lehtë dhe ideal për darkën.
Komente
